我上次經期係1月2日，喺1月18日同男友發生不安全性行為。佢冇射喺我入面，只係有插入幾下，好擔心會唔會喺呢幾下過程到有精子進入左:confounded:
因為我而家本身應該係谷m階段，但我仲未感覺到谷m症狀。我向來經期係遲4日內，但仲未感覺到谷m，好擔心。
唔好意思遲左覆，你一定好擔心喇。
你講得啱既，男士興奮時會分泌前列腺液，當中有少量精子，所以即使唔係體內射精，但又無做安全措施，係有懷孕既機會。
明白你平時會谷 m，不過其實呢啲身體反應 (同埋經期) 會受好多因素影響既。例如休息時間係咪足夠、心理壓力、有無長期熬夜、生活習慣改變等等。以有無谷 m 去決定有無懷孕唔係太準確，所以唔好自己嚇自己住。
反而你會唔會考慮下用驗孕棒呢？
驗孕棒既最佳使用時間一般係預計受精時間11天之後，但其實最快可以在性行為後7日，或預期經期開始那天進行檢驗。計返你既日期，今日係性行為後第九日，所以都可以驗喇。
驗孕棒可以到有信譽的藥坊或大型藥妝店購買，店員唔會詢問你的年齡。可以買一兩個牌子去驗，如果兩個都係陰性，那就應該係沒有懷孕了。或去醫院驗血，結果都好準確既。
咁樣會準確啲，而你又可以唔洗等到經期咁心掛掛。你考慮下呀？希望答到你，歡迎再留言呀！
感謝你 我真係好驚 差一個月先夠18歲 好後悔了
嗰陣做嘅時候好似係易受孕期:sob:
最近考試同有壓力可能真係影響左😖到而家都未feel到胸痛同肚谷住
我想問係咪最好買2支黎驗？
如果中左我應該點。。我唔想咁快有。。
明白了！
主要既擔心係咪怕意外懷孕呀？定有其他既擔心呢？
嗯嗯，聽你咁講可能最近都多壓力，有機會影響到經期。所以建議驗孕。驗孕棒測試一般係喺懷疑受孕後第11日之後做為準確既。又無話係咪一定要2支，不過有啲人擔心，咁所以做兩次確認會安心啲。
你有無機會同伴侶傾下呀？咁都可能要驗左今次先，但都建議討論下以後做安全措施既需要喎。
暫時分享以上。如果有咩需要，再同我地講丫？
我早幾鐘前買左驗孕棒驗 結果係一條線無懷孕 即刻安心晒
但我唔係朝早第一督尿 會唔會無咁準？
雖然的確有啲講法話早上驗好啲，但其實都無咩科學根據既。
因為驗孕棒要檢測既係女性如果懷孕了，受精卵著床在子宮而身體會釋放既荷爾蒙。如果懷孕了，呢種荷爾蒙點都會在體內喇。
驗左安心哂！理論上就安全了。
當然跟返說明書既驗孕日期，或來經了就會好實在地鬆一口氣～