我睇過呢個page，懷疑自己有戀褲襪癖，正唔正常？點樣可以戒？唔該晒
一穿緊身褲就會勃起
其實關於性嘅喜好係無分正常同唔正常架，就好似對於食物嘅喜好一樣，都係各有所好，因人而異嘅，所以我地唔需要為自己嘅性偏好而感到羞恥，同時亦要尊重他人嘅性偏好。至於點樣可以戒除性偏好，其實只要喺唔影響正常生活嘅情況下 (例如：未能正常上課、交際及進食等)，都唔需要太擔心同刻意戒除嘅 
見你提到一著緊身褲就會勃起，係因為咁覺得好困擾？歡迎分享多啲你嘅諗法 
好多謝你既分享呀，同埋好欣賞你因為自己而去了解更多。我都答下先… 
性愛，包括性喜好係極度同個人有關既事。好似身高體重一樣，都無一個絕對既標準去定對錯，或正唔正常。
一個標籤 “戀褲襪僻” 未必可以令我地好全面咁了解你。如果你唔介意，可以具體啲咁分享你既擔憂，我地可以相對咁回應同分享多個角度俾你呀。
你提到一著緊身褲會勃起，你意思係一著就會勃起、興奮同射精？抑或係有一個過程呢？
呢件事有無影響到你同伴侶既關係，或自己嘅生活 (例如一換衫就有性衝動, 令到自己容易遲到; 係唔適合／自己唔想嘅時候有性衝動)呢？
另外，你幾時發現自己有依個喜好？會唔會只係得緊身褲令你有性衝動？