排卵期體外摩擦會懷孕嗎


#1

我喺1月11日嚟m,之前2次嚟m嘅週期分別係28日同29日。

1月25日同1月29日同男友有親密接觸,兩個都除咗褲,但無插入嘅性行為。佢嘅下體喺我陰唇處上下磨擦,並無進入陰道。過程當中佢無射到精,但應該有少量前列線液,不過1月29日嗰次我有刻意先用手抹走佢下體嘅前列線液,但1月25日嗰次就無咁做。 2次都係喺磨擦過程後約10至15分鐘用水洗自己嘅陰部。

我係處女,好擔心會懷孕,而且喺1月28日和1月30日有想作嘔的感覺(可能和感冒有關),想請教下會有幾大機會會懷孕?謝謝解答。


#2

同埋我都好濕,聽講會令精子更容易進入,所以好擔心。


#3

好驚:cry::cry:可以回覆嗎謝謝


#4

唔好意思呀遲左覆!你一定好擔心喇 :tired_face:

首先,你意識正確既。無插入既性交會令懷孕機會下降。而前列腺液係有少量精子,雖然仍有機會受孕但無插入,機會都唔太大。希望你唔好太擔心先。

第二,精子喺空氣存活時間只有幾分鐘。本身前列腺液內只有少量精子,而且你地無插入,所以你提到擔心第二次無抹走亦都唔需過份擔心。咁既情況而受孕機會亦低。

明白你擔心自己分泌量多會令精子容易進入體內,不過以上說法暫時又無足夠數據證實呀,所以唔需過份擔憂。精子要進入子宮受孕都需要一個媒介引導先得既,而以你形容既狀況,兩次都在體外接觸,機會都係會降低。

你而家身體狀況點呀?作嘔有無持續呢?有無因為感冒睇醫生呀?

預期下一次經到係咩日子呢?可以等一等觀察下。希望你可以盡量放鬆下呀,因為緊張都會影響週期。而且你感冒,都可能會影響呀。

希望答到你啦~ 隨便再留言喎!:grinning:


#5

我今日終於嚟咗m,隔咗上次31日
但血量好少,亦都無m痛,我以前第一日通常都會痛同埋都幾多量
我咁様會唔會只係著床出血:cry::cry:


#6

明白你的擔心呀 :neutral_face:

嗯… 其實有很多因素導致經期不穩定,例如休息的時間是否足夠、心理壓力、是否長期熬夜、生活習慣改變等等都可能會影響到經期。你提及過的感冒﹑擔心自己懷孕其實都是心理壓力,大機會影響週期。

而其實週期日數﹑血量及經痛程度每個週期有差異是很常見的現象,因為身體都是很有機的 (organic) 的,很多因素會影響,始終我們不是機器電腦呀。所以希望你理解多了,不用過份焦慮。

至於怕懷孕的擔心,竟然這事已困擾你這麼久,不如考慮一下驗孕?相信這樣你會安心多了。可以到有信譽的藥坊或大型藥妝店購買,店員不會詢問你的年齡。

雖然驗孕棒最佳使用時間一般是預計受精時間11日之後,驗孕棒最快可以在性行為後7日,或預期經期開始那天進行檢驗。你隔了這麼久,已可以驗。可以買一兩個牌子去驗,如果兩個都是陰性,那就應該是沒有懷孕了。或去醫院驗血,結果都很準確的。買個安心,都值得呀。:relaxed: