最近打多左飛機, 唔知係咪整損左.
龜頭炕 有紅同糜爛, 不過好似無流濃, 唔痛 不過有D臭…
會唔會係發炎? 我日日都有洗龜頭, 炕就間中.
可以點樣好番?? thanks
你好呀 
明白你既狀況喇
如果有糜爛，都建議你暫時停一停性行為同自慰先。俾損左既部分休息下先。
唔知你平時係點清潔嫁呢？聽你講有糜爛，都建議你用返清水清潔先，避免淋浴露或其他清潔用品會刺激到。
可以試下以上建議，觀察一段時間，但如果無好轉都建議盡快睇醫生喇～ 
平時係用毛巾同清水洗
觀察左2日好似紅嘅位冇咁紅, 不過包皮頭可能有傷口, 小便之後有D “拿拿地” 不過唔痛
我估唔係發炎掛? 龜頭上面完全冇紅
日日沖涼都有洗嫁,係間中冇洗個炕…
噢？之前亦有傷口嗎？定留言後新傷口？
另外，你話拿拿地，係一次？定 keep 住都係？小便後情況… 係自慰後小便定平常小便呀有咁既情況呀？
都想了解下再回應。
文字上既溝通都未必可以完全了解你既情況，所以都係果句，建議你睇下醫生呀
不過如果你唔介意分享多少少，都可以交流下。
龜頭坑 (我指既係包皮翻開後，龜頭下位置？)都無標準話要幾耐清潔，都好睇個人情況。
考慮因素例如包皮長度，會否如廁是尿液會留喺坑位、係咪有自慰或有性行為，令分泌及精液留喺坑位等… 簡單黎講，即要保持清潔衛生啦！所以都要你自己衡量嫁。有無原因你唔每日洗丫？因為係可以每日洗嫁喎。
係好個人既習慣黎既～好似唔係人人日日洗頭咁。不過陽具會每日如廁用到。你亦提到會間中自慰。尿液、分泌同精液殘留喺陰莖無被清潔好都唔係太理想，所以都建議根據生活習慣而調整返清潔習慣～
聽你講應該唔係發炎既，不過就可能要留意返有無更嚴重喇！
之前都試過有傷口嗎, 不過係好內之前.
“拿拿地” 係有傷口先有, 係小便後先覺得. 唔會keep住都係, 係"拿拿地" 几秒, 隔一排先再有.
龜頭坑冇日日洗係懶姐 
我想問龜頭坑有冇一定深度? 因為我右邊好似好淺.
同埋個坑有少許黑, 可能係魚左 
沒有討論?
唔好意思遲左覆 (病左 
)
唔知你有無睇醫生，情況有無改善呢？
根據你所寫既，我嘗試覆下你丫～
1。如果身體任何部份有見到既傷口，因為無左皮膚表層做保護，一般接觸都會有痛感。而陰莖皮層就更加簿亦好敏感 (仲視乎邊部份)，所以有傷口時會刺痛都正常。因為尿液帶有細菌，所以如果陰莖有傷口的話更加要確保清潔及乾爽，避孕感染同俾時間佢復原。不過唔代表要洗多啲，因為過份刺激傷口復原都需時。簡單黎講就一般傷口處理啦！係唔好用消毒用品啫！
2。清洗陰莖既頻率同方法因為大家身體構造同生活習慣不同所以無一個標準。所以要你自己去留意同調整。好似之前咁講，反正都日日會排尿，咁日日清洗都係正常做法既。尤其如果你唔係日日洗時岀現狀況，咁都不妨就日日清洗喇～
3。所有人既身體都係有個人差異既。好似身高體重五官咁，我地大家既唔同部位都會大小形狀唔同。你留意到自己龜頭深度左右唔同，你有無覺得有咩影響呢？ 如果有對生活有影響，都可以考慮求醫了解多啲。而基本上如果只係外觀上既考慮，咁就唔洗太擔心呀，因為身體本來左右兩邊都唔係平衡既，畫公仔都唔平衡啦 
希望俾到個角度你
宜家係條坑有傷口… 紅左少少
唔知係傷口定發炎
想問如果一排唔洗會唔會 坑位 黏住反唔開??
呢個問題係另外果post度覆咗你啦～
如果見到有紅腫最好都係去睇醫生檢查一下，特別係你提及到小便時都會覺得要少少刺痛。安全起見都係先做檢查比較好呀。