安全套鬆鬆地


#1

同女朋友做嘅時候 因為唔係好識點做好
所以有時搞搞下會林左 個套就鬆鬆地
咁整返佢硬左 就繼續用啦
之後個套係包住左果到 但長左多一半出泥
如果係咁會唔會中獎架?(拎出泥射嘅)


#2

唔係太理解你話長左多一半岀黎既意思係咩呀… 唔介意的話講多少少?
不過讚左你有用安全措施先!非常好既意識呀!:clap:

分享少少安全套正確使用方法俾你先。先可以睇睇 video: https://youtu.be/Q4cC2Kg62jY

安全套頂部既儲精囊要用黎收集精液,所以如果帶好,精液喺安全套中收集,亦正確除岀,就完成左佢既任務避到孕同防止性病傳播喇。聽你講有帶套,而係體外射精的話,受孕機會唔大。不過真係視乎你帶得岩唔岩。安全套應該要套到去陰莖底部,等精液可以直接從龜頭射到儲精囊內。

要留意,陰莖要興奮勃起先可以令安全套套好喺陰莖上。所以如果你摸索性生活中,可以嘗試持續興奮一段時間先帶上,避免鬆左要再帶。因為鬆左一般都建議換新一個。但亦要預好時間,因為男性興奮前分泌前列腺液都有少量精子,所以如果未計劃生育,就帶好先插入。

唔知以上答唔答到你呢?有需要再留言丫~


#3

就係好似甩左出泥咁 但係個套嘅圈圈仲係個根部果到
就係我唔夠長去用哂成個套 多左長左嘅部份
好似想甩出泥咁


#4

以你既形容,你係無將安全套長左既部分拉去根部?
帶安全套個關鍵係要儲精囊係貼近龜頭去接住精液。咁所以你可以試上以上方法,或望一望係咪安全套 size 未合適,另外就係確保係勃起狀態先帶上。

如果你未有完全勃起就帶,中途放鬆,跟住又興奮返,其實都好難確保帶得正確。咁仲大風險。所以就建議你摸索下個 timing,然後以正確方法帶上喇!:wink:


#5

係中途轉姿勢果陣 因為一轉左姿勢就插唔到
所以都搞左好耐下 林左


#6

如果係咁嘅情況,其實都比較有風險,雖然你話過程期間個套仍然係陰莖上面,但始終唔係完全正確咁戴好咗,之後即時硬返再套返好多唔係咁安全,過程中精液都有機會溢出,或者造成安全套嘅破損。可以嘗試加快轉姿勢嘅過程,或者預先討論定一啲想做嘅姿勢,唔駛個一刻先諗,亦可以將輔助工具(例如枕頭)等等擺定係附近準備好。

另外都可以考慮使用其他避孕方法,例如係荷爾蒙避孕法(避孕藥,避孕貼等)去加強避孕效果,即使安全套有破損都仲有一層保護。