食左事後丸


#1

你好!
我想請問下我1月24號黎M 跟住同我男朋友係2月2號個時發生性行為無用到安全套(之後第二日以經食左第一次事後丸)
食左之後我地都冇搞到野,直到2月8號夜晚,本來我應該無咁快黎m(可能係因為食左事後丸),但2月8號個時第一日黎m,我男朋友就話想發生性行為,佢仲話係黎m個時內射都唔會有bb,所以我信左佢…比左佢內射T_T

之後我上網睇,有d人話個d係假m,我想問下,
咁樣會唔會有bb(機率會有幾大)
咁食完事後丸黎m算唔算正常m
咁如果係正常m係咪mo咁易會有bb

T_T 真係好驚 同埋如果要驗幾時驗得 如果我以家食多次事後丸會唔會好傷身

唔該曬 急t_t~~~~~~~~


#2

唔好意思遲左
我快覆下你先,因為捉緊時間。
懷孕機會好視乎你係咪排卵期,唔知你自己有無清楚自己週期呢?
內射了的確懷孕機會提高了。雖然一般女性月經時性交懷孕機會唔高,但有啲女士排卵期同經期好接近,而精子可以在體內存活幾天,所以都係有機會懷孕。

簡單直接的話,建議你盡快預約去家計會諮詢。佢地為18歲以上女士提供服務同事後丸作為緊急避孕措施。其中一隻可性行為後120小時內有效用。佢地有醫生在場可以清楚了解你情況 (包括你之前已食過藥),才提供最合適既選擇俾你。都提提你事後丸喺香港係要醫生岀既,唔建議你自行從其他途徑買。

另外,事後丸係高濃度荷爾蒙既藥物,身體係會受影響既。都鼓勵你了解多啲 (歡迎再留言) 同埋留意多啲自己身體反應喎。有疑問就睇睇醫生,了解清楚自己身體對藥物接唔接受到呀!

希望幫到你!