該如何備孕

該如何備孕?例如双方身體方面。是否要吃一段時間葉酸、維他命等?

另該做那一些檢查?到 家計會 還是 到診所做 婚前檢查好?

如要BB時,因沒帶避孕套,因比較乾,該如何處理?是否該搽上潤滑劑? 有哪些牌子或產品能用 而不影響受孕。

謝謝

hello :slight_smile:
多謝你提問呀!
有關準備懷孕既問題呢, 我地未必可以喺呢個平台俾到太多資訊你, 因為呢方面比較需要醫生及有相關知識既人士既回應. 而且呢方面非常視乎你同伴侶既身體甚至心理狀況, 所以都建議你搵返相關人士諮詢呀~

家計會有婚前及懷孕前檢查同諮詢服務提供. 視乎你去邊度做檢查, 提供既諮詢類型同重點都會唔一樣, 所以好睇你同伴侶既需要呀. 亦都因為咁, 好難講去邊度做好D. 建議你了解下各類服務同相關資訊, 再做一個最合適你既選擇 :wink:

反而有關性行為方面提問, 可以分享多少少 :smiley:
聽落你既重心似乎係比較在意如何可以受孕, 唔知我有無理解錯呢?
咁呢個乾既情況有無令到你對性行為反感呀? 過程會否唔舒服?
不妨同伴侶溝通多D, 等佢都知道你既感覺, 互相配合呀 :slight_smile:

你形容乾既情況, 應該係因為分泌不足. 而女性分泌物少, 原因有二:第一,前戲不足,身體未準備好;第二,身體本身的分泌少, 有些是天生的, 有些是因為生育後身體未康復、生病、精神壓力、更年期、年紀大等原因。喺第二個情況下, 可以考慮使用潤滑劑消除性愛時的不適, 對雙方都有好處。

有關選擇潤滑劑, 可以睇睇我地之前既文章: https://www.inmediahk.net/node/1036354

你問到潤滑劑會否影響受孕, 反而係暫時無研究指出有潤滑劑既成份會 幫助避免 受孕. 始終潤滑劑既功能係提高濕潤度, 同生育無直接關係.
當然亦有說法係如果雙方都享受性愛過程的話, 會增加受孕機會, 不過亦都係無足夠研究數據去支持既~ 咁不過如果可以令兩人都享受性愛, 又何樂而不為? :stuck_out_tongue:

希望以上既資訊岩用! 有需要再留言丫 :slight_smile:

1個讚