求救,安全套穿左,好擔心

睇下咁講有無問題,無既我就post岀去

我同女朋友做完愛,
當我有想射精既意慾時候,我就蚊左岀黎。蚊左岀黎後未有任何精液既,我以為自己忍到,但係蚊岀黎後無斷耐有有小量精液流岀。

事後為左安全性既問題,將呢個安全套注水去做測試。試過網上做法,將安全套放平滾動或是拎起將安全套儲精囊部分上而下去試,都無漏水的。

但係將充滿水既安全套大力擠壓,發現安全套的儲精囊上方(即陰莖位置)發現一個有漏水地方。

我應該怎麽辦?!
帶女朋友睇醫生?!食事後葯?!或有什麽建議?!

如果安全套破裂 / 發生咗不安全性行為而擔心有懷孕風險,喺在發生性行為72小時/120小時之內服用事後丸,服用緊急避孕丸(即係所謂事後丸)避孕的成功率均可以維持在85%。 不過,事後丸含有劑量較大嘅激素,所以服用事後丸之後,可能會出現噁心或不適等嘅副作用。

只要女方年齡介乎18-26歲之間,你都可以選擇聯繫家計會獲取事後丸 https://www.famplan.org.hk/zh/health-info/contraceptive-methods/emergency-contraception

要注意喺香港,緊急避孕丸屬於醫生處方藥物,一般聲稱有售事後丸的藥房或網店,由於冇醫生駐診,所以所賣的藥唔一定可靠。另外,部分私家診所都有事後丸,詳情要查詢個別醫生,再緊急的可以去急症室求診。

希望可以幫到你!