hiv快速檢查器迷思


#1

你好,昨天我使用了doctor eyes的hiv快速檢查器,
其間因為第一次採血不成功,
於是重覆在不同手指上嘗試若十幾次,
才能勉強採集成功。

而在採血其間,
我曾將針放在說明書上幾次,
換了隻手指再嘗試採血,
請問使用該採血針會因為受污染和重覆使用而構成感染hiv的風險嗎?

另外,我曾將傷口直接放在檢查器樣本區的試紙上,
經上網搜尋後發現該產品是用純化重組基因的愛滋病抗原作快速檢驗,
請問傷口直接與該檢查器試紙接觸會感染hiv嗎?

最後,我只擠出了一小滴血液(約佔樣本區試紙範圍的一半)
請問樣本足夠檢測病毒嗎?

心急人上


#2

HIV病毒傳播方式主要包括性接觸傳播血液接觸傳播,同埋母嬰感染

首先,見你測試中只係系自己的手指上重覆採血,其實呢個行為本身並不會令你染上HIV病毒,因為針筒接觸到的血液全部都係來自你的身體。假如你本身身體沒有帶有HIV病毒,病毒係無法透過手指間的血液傳播而進入你的身體。假如你身體本身帶有愛滋病病毒,不論血液來自哪一隻手指,結果也會是一樣呈陽性反應。

另外,其實HIV病毒量要足夠多先有可能令人感染HIV;但HIV病毒無咗宿主、接觸到空氣好快就會死,所以一個針孔咁細嘅傷口就算真係接觸到HIV感染者嘅體液,只要唔係好短時間內就有直接接觸,都唔需要太擔心~

然後,一般黎講,採血針係唔會因為觸碰過說明書及試紙而感染到HIV病毒。抗原試紙係用嚟測試體內(血液中)有無相應嘅病毒蛋白質,無受污染嘅試紙本身係唔會有生存緊嘅HIV,所以都唔會因為傷口放喺試紙上感染HIV,所以呢方面亦無需擔心啊。

測試結果方面,見你都重覆嘗試左好多次個測試,其實結果都已經唔可靠和有效。加上血液只夠一半試紙的範圍,血液量也不足去得到準確的結果。如果想得到準確結果,建議你重新再做過一次測試。

同埋其實自己採血本身係有一定難度,採血不成功亦有好多原因。例如部分人不太掌握如何使用自我測試套裝的針筒採血,所以遇上採血困難的問題。

如果自己嘗試過都係處理不到的話,建議可以到以下機構進行免費測試。服務係免費,以及過程係不記名及保密。

關懷愛滋 愛滋病病毒測試(網上預約):
https://aidsconcern.org.hk/help-and-support/know-more-about-hiv/test-info/

衛生署 免費測試服務(需電話預約):
https://www.harmreduction.gov.hk/chinese/4_2.htm

其實都睇得出你對於呢件事有好多憂慮,其實部分提供愛滋病免費測試服務的機構,係可以提供埋輔導服務,為你提供心理支援~

希望幫到你啦 :blush: