間接懷孕及精子在物料上存活問題


#1

因為跑步著左好薄同好短(岩岩蓋過patpat多少少)嘅跑褲(nike係燈光下透光個種纖維質地,唔係棉)
條褲本身再有三角內褲型嘅內膽 加自己嘅底褲 即隔左三層料
如果坐係公眾場所嘅櫈(不論由金屬料還是布料造成)上,咁岩上面有未乾嘅精液,會不會引致懷孕?
櫈上的精子借助精液穿過第一層褲之後 係咪好難再沾去第二層(因為本身第二層係乾) 精子係咪要液體幫助先可以穿去第二層布?
另外,即使陰道閉合嘅情況下,內褲上存活嘅精子(但之前已穿過兩/三層布)都可以游入陰道引致懷孕嗎?

真的感激不盡…!


#2

跑褲嘅相


#3

多謝你嘅發問!

講得無錯嘅係,精液嘅液態環境係幫助精子游動嘅。不過,射精後精子的存活時間由幾分鐘至幾天不等,視乎外在環境而定,例如專門用來儲存精子嘅實驗室器皿環境,就會存活耐D。而精子暴露在空氣中,尤其是「降落」於寒冷的表面(例如牆壁、床上或衣物上),通常會在幾分鐘內死亡;如以水清洗,精子更快死亡。

所以按你所描述嘅情況,沒有進行性行為、有布料隔絕、並非陰道直接接觸到精液的話,基本上精子係無進入陰道嘅機會,更加唔會引致懷孕,可以放心。:grin:

P.S. 如果係直接射精喺貼身內褲上,而又馬上穿上有精液嘅內褲,而陰部接觸到精液的話,存活嘅精子理論上係有進入陰道嘅機會㗎(風險同沒有發生插入式性行為,但用手指直接接觸剛射出的精液,再觸摸陰道附近一樣)。雖然陰道壁呈弱酸性的環境不利於精子存活,但安全至上,所以如果你未有懷孕打算,就要避免精液直接接觸到陰道喇!

希望答到你啦~


#4

另外補充一點:我哋唔能夠肯定講陰道係咪完全閉合。因為即使沒有刻意擴張,但陰道口都可以有人肉眼/身體感官不能察覺嘅縫隙㗎~:see_no_evil:


#5

明白 衷心感激你耐心的解答:sob::sob::cry::cry::cry::pray::pray:


#6

聽完你講個心定左好多了