懷疑事後丸失效


#1

我最後經期24/1 ,9/2同男友做完之後發現個套穿左,翌日去左家計會買左事後丸食。
19/2作同男友做完之後幾個鐘發現下面小量出血,只整濕左底褲,之後20/2再做多次有同樣情況。
而且今日發現乳房有壓痛。想知道出血情況係咩事?會唔僲有機會有左


#2

hello hello
明白你既情況同擔憂意外懷孕… 唔知而家出血既情況有無持續呢?
一般你係咩情況下乳房會有壓痛嫁?
另外, 你19同20號進行既性行為有無用安全套嫁?

咁樣問係因為事後丸係高劑量荷爾蒙既藥物, 每個人身體既反應都唔同. 但因為未可以喺呢度掌握你身體狀況既細節, 所以比較難去評論. 如果有持續出現, 就建議你盡快求醫喇.

問到你地有無用安全套, 係因為男性如果喺女性體內射精的話, 有時候會留左分泌喺女性體內, 第二日再排出. 所以唔肯定你見到既出血係遺留體內既分泌物抑或身體有狀況而出血. 尤其你提到出現既兩次都係性行為後既一日, 所以就咁問喇… 除此之外, 仲未排除會唔會係你自己既分泌物…

總括黎講, 出血都唔係正常既現象, 如果持續的話, 就真係強烈建議你去求醫了解清楚喇!
至於乳房壓痛, 好可能係荷爾蒙既影響, 但亦係講唔實. 所以同樣地如果持續, 可以求醫諮詢!
希望以上解答到你啦! :slight_smile: