上個月食左2次事後


#1

如題。上個月2星期期間食左2次事後,上個月有黎m,不過超級痛。今個月sex左6次左右,每次都有套,有時帶套之前都會無套插幾下,今個月M遲左,會唔會有左?好驚:sob:


#2

有m痛,無m到 無m悔唔會關上個月d事後ge事?同埋我就黎考試會唔會有影響? 好驚


#3

假如你上個月有系時效(事後72/120小時內)內服用事後丸,咁呢兩次性行為導致懷孕的機會好微。:relaxed:

不過要提番你,雖然你每次都有戴套,但係「無套插幾下」的時候其實已經有機會導致懷孕。因為射精前,陰莖於性興奮狀態時亦會排出少量體液,內含前列腺液及極小量精子。所以無套的插入式行為,即使無體內射精,都會有懷孕風險架~ 下次要留意番啦!

然後,其實月經遲黎亦都有好多原因,例如:
(1)藥物副作用影響,例如受事後丸影響,導致經期延遲,該次出血量較少;
(2)精神過於緊張,例如最近會唔會壓力好大;
(3)生活作息不規律,等等。
所以月經遲黎都唔需要太擔心住啊:blush:

最後都想關心下你嘅狀況:heart::grinning:
最近避孕方面有無遇到咩困難啊?點解上個月要食兩次事後丸嘅?同埋點解有時戴套前都會無套插幾下?


#4

想問下會唔會知隔幾耐先會黎m? 帶之前插幾下係因為想試下無套感覺


#5

食2次事後係因為怕會有前列腺液 搞到有左


#6

幾時會m到其實都好難答你,因為一般食咗事後丸都有機會令月經提早/延遲,但加上你話最近考試,相信你都為呢樣嘢感到有壓力,而壓力本身都會影響月經嘅。可以試下放鬆心情,減少不停諗住有關月經嘅事,令身體放鬆都會有改善嘅。

長期以事後丸作緊急避孕用其實都唔係咁好,既然你都清楚前列腺分泌一樣有機會導致懷孕,會唔會都考慮即使係前戲/只要有性器官接觸都使用安全套?或者如果你哋好喜歡無套嘅感覺,會唔會考慮用避孕丸/避孕貼等嘅避孕方法呀?但要提一提荷爾蒙避孕法係唔能夠預防到性病感染架~