我係男仔嚟嘅，由於個人習慣問題所以一直都無試過自己幫自己。拍拖兩次由於兩位女友都同我一樣無性經驗，唔係係技術問題定我身體問題，用咗好多方法都未試過射精，分別用手同用口都唔得⋯我暫時唯一嘅方法係夢遺（但大家都知唔係話要夢遺就夢遺到㗎嘛
）我想問有冇咩解決方法
試下睇下色情影片啲人係點打飛機
跟住做
想了解下你無自慰習慣嘅原因係咩
？
覺得下邊污糟同埋感覺上自己無需要
但有時兩個人情到濃時就會想要
如果你喺同女朋友情到濃時會想要嘅話其實都代表你本身都係有性需要嘅，只係可能因為你對於自己下體嘅感觀影響左你對於自慰嘅意慾同喺性愛時候嘅感覺。其實性器官都係我地身體嘅一部份，只要做好清潔，例如沖涼嘅時候除左沖洗陰莖之外亦都要反包皮黎清洗龜頭，性器官係唔會比其他身體部位污糟嘅
見你提到同女朋友試過用好多方法都未能夠射精，一方面有機會係因為你覺得下體好污糟而令你未能完全投入同享受性愛；另一方面都有機會係因為你地嘗試嘅方法未刺激到你嘅敏感點。每個人喺性方面嘅敏感點都係唔同嘅，而要知道自己嘅敏感點喺邊最直接嘅方法就係喺自慰嘅時候探索一下自己嘅身體。所以如果你都希望可以喺性愛中獲得快感嘅話，建議你可以先嘗試改變自己對於下體嘅感觀，然後嘗試自己探索一下自己嘅敏感點同埋用咩方法可以刺激到，再嘗試應用返喺性愛嘅時候
