關於避孕(急)


#1

女友有keep住食藥
但有時無同一個時間食
有時遲1個鐘,有時6個鐘
我網上睇就話避孕藥24小時內食翻就得
但我有d唔明,所謂24小時內系指例如4月1日晚6點食左1粒,但4月2號無6pm食,系10pm補翻,咁系咪都叫做24小時內,即係4月3日6pm前食都叫ok?

另外,我地今日有無套做但無內射,而女友都有keep住食藥,但會好似上面咁講,食得唔準時。
而女友其實仲有兩日就黎m,宜家算系危險期,我地都有d擔心會中。

請問如果真系中左,女友系咪呢個月就唔會黎m,如果黎m系咪代表無事
另外,如果真系要check,要大約幾耐先check到有無懷孕,同埋驗孕棒可以系邊度買?

比較多問題,希望有人回答,謝謝


#2

hi abc!

唔知你女朋友係食邊個牌子嘅避孕藥呢?每個牌子嘅避孕藥都有唔同,所以唔能夠即刻回答到你。通常每個牌子都會有寫明補食時間,盒內說明書/website都會有,你可以話我哋知係邊個牌子,我哋一齊check下補食規則係點~:wink:

不安全性行為即使無體內射精理論上都係有懷孕風險嘅,我哋唔可以100% sure風險有幾高。如果懷孕,你嘅女朋友今個月應該唔會行經。

驗孕棒可以到有信譽的藥房或大型藥妝店購買。如果要驗孕,驗孕棒最佳使用時間一般是預計受精時間11日之後,但其實最快可以在性行為後7日或預期經期開始那天進行檢驗。你可以同女朋友買一兩個牌子去驗,如果兩個都是陰性,那就應該是沒有懷孕了。去醫院驗血都係一個選擇,結果都很準確的。

最後最後,都建議你提女朋友按指示準時服用避孕藥,咁先可以將避孕藥成效發揮至最大。如果擔心,都可以採取多重避孕措施,例如服用避孕藥同時都正確使用安全套。咁就可以enjoy sex without worries 啦~:blush: