之前有出過post講食完事後丸腹痛，雖然依家冇腹痛，但三角位間中會有抽痛，同埋腰痛，夜晚瞓覺都會出冷汗。上次月經係13/3，今個月應該係12-14號左右，因為驚，所以早兩日用驗孕棒check過，結果冇事。不過諗諗下好似太早驗，係咪應該等多兩日再check？另外事後丸係咪會影響白帶？因為我食藥到依家都冇白帶，好擔心⋯⋯
Hello Worryer!
多謝你同我哋分享你擔心嘅事～
驗孕係咪太早要視乎妳進行性行為嘅日期而論。一般而言，驗孕棒最佳使用時間係預計受精時間11日之後，但其實最快可以在性行為後7日，或預期經期開始那天進行檢驗。
睇返妳早前嘅留言知道妳喺12個鐘內食咗事後丸，所以懷孕機會好微。
如果擔心嘅話，都可以係預計經期當日再驗下。妳可以買一兩個牌子去驗，如果兩個都是陰性，那就應該無懷孕了。 
至於白帶方面，白帶份量都受排卵週期影響而增減。另外，服用避孕藥會干預荷爾蒙分泌，女性生殖器分泌物受影響都係常見副作用。但如果副作用長時間持續就要睇醫生，以確認是否身體出現問題。
p.s. 另外見到妳之前話事後丸係媽媽係藥房幫妳買再俾妳食。提提妳，香港事後避孕藥屬於醫生處方藥物，一般聲稱有售事後丸的藥房或網店，由於無醫生駐診，所以所賣的藥唔一定可靠㗎！