上個月係25號來 M ，呢幾個月都係隔28日左右，到今日都未嚟，每個月都好準時，未試過有遲。今朝有買驗孕棒驗過，只有一條線。同男朋友只係有試過磨下面， 但係冇帶套，亦都冇試過入去。 21號晚去咗飲酒，嚟M前飲酒會唔會有影響？
你好呀！一條線的意思即是沒有懷孕嗎？除了懷孕外，還有其他因素令到我們月經遲來。除了月經遲了，你還有沒有其他不適？例如肚漲 肚痛 緊張等等？
如果只是少少酒，對來經不會有影響。
5帶套磨會懷孕嗎？機會大嗎？
驗孕棒嘅結果係顯示陰性，即係冇懷孕，不過一般都需要係性行為後7／11日驗嘅結果先會準確，如果你驗嘅時候係未夠日子，都可以再驗一次。
至於你問係無套係陰部摩擦有冇機會導致懷孕，只能夠講係有風險。因為即使係未射精，男性性興奮時已經會有含有精子嘅分泌，而且係直接掂到你陰部，如果你當時有陰道分泌的話，呢啲含有精子嘅分泌都係有機會進入到陰道架。不過，始終精子接觸到空氣好快就會死亡，陰莖係體外摩擦會直接暴露係空氣之中，會加快會死亡嘅速率嘅。