急急急!!! 好驚有bb

#1

我19號凌晨同男友做左 冇帶套 但外射
19號就買左緊急事後丸食
28號就開始有少少流啡 至兒家重有 但又唔似黎m
30號晚試過用驗孕係negative
1/5 朝早都驗左次係negative
我想問下咁樣係咪正常 定係有左 真係好驚有
希望你可以幫我解答下
我上次經期係8/4 平均29-31日到

#2

兩次驗孕結果都顯示係無懷孕的話就可以暫時排除懷孕嘅可能性啦,因為一般會建議係性行為發生7/11日後先驗孕,你19號發生性行為,30號驗已經係11日後,結果已經相當準確,加上你1號有再驗一次,結果都係陰性。

緊急事後丸因為係高劑量荷爾蒙,係有機會有少量出血情況,但一般會係服藥後24-48小時內出現,但同時佢都會影響下次月經,可以提早/延遲數天,亦可以影響月經量。如果你有啡色分泌物已經連續幾日,其實有機會係月經嚟嘅,比你原本嘅日子提早咗,而且量亦少咗。

同時都可以留意下最近有無再發生過性行為,因為都有機會係因為磨擦造成陰道有小傷口已流出少量血,不過一般都唔應該會連續出血數天,除非傷口係好大或者同事有其他感染,咁就要再留意有冇其他症狀,例如刺痛/痕癢等出現啦。

2個讚
#3

流啡量好少 又有少少啡色拉絲 係咪已經係月經 因為平時係啱啱好黎m 但3月個次只有25日 就黎左 15黎嘅 變左19號就係排卵日?

#4

我驚係著床

#5

因為個肚重脹緊

#6

我體溫重係高

#7

定啲嚟。其實你已經有服食到緊急避孕丸,係一個成功率好高嘅避孕方法。加上兩次驗孕結果都係陰性!其他懷孕機會真係好微。但你嘅啡流可能會令你覺得奇怪。其實有啲人食左事後丸係出現月經紊亂嘅情況,加上你經期不穩,如果好擔心經期不穩定,建議睇一睇醫生,了解下會唔會有其他婦產科問題。

肚漲或者體温高都唔可以堂係懷孕嘅指標伽!

見你咁擔心有左,有冇同男朋友傾下將來點避孕呀?