唔知係咪因為以前有唔好既經歷或者男朋友真係比較粗大? 次次男朋友想放入去都放唔到，覺得好痛。頂多放2隻手指，1隻會比較舒服。可以點解決?
Hello Queenie!
過往唔好嘅經歷的確會造成性行為時嘅心理壓力，加上男朋友嘅陰莖嘅大小、妳陰道足唔足夠潤滑都可能同妳覺得痛有關係。妳話暫時可以放一至兩隻手指為陰道擴張，其實已經係勇敢踏出咗第一步㗎啦！
可以試下配合使用性交用嘅潤滑液，慢慢增加手指數量去協助陰道擴張；潤滑液都可以增加陰道同陰莖嘅濕潤程度，減低摩擦力，或者會令妳生理感覺上無咁痛。另外，最緊要妳同男朋友有足夠溝通，慢慢減低心理上對性行為嘅壓力，嘗試放鬆投入性行為當中。相信妳嘅男朋友會明白的！
如果妳想同我哋分享係咩經歷令妳有呢D壓力，都可以留言話俾我哋知㗎！
我都有一樣既問題呀~2指係好勉強，有時1指都少少痛…
前戲做得足唔足，我自己覺得前戲做得多d會好d
Hello～其實好多女性都會遇過呢個情況！特別係性接觸比較少嘅朋友，都會需要一定時間先可以適應到有物件進入陰道，而且本身都唔係每個女性都享受陰道嘅插入式性行為（不論係陰莖定手指定性玩具等）。你講得好啱呀，有時前戲部分有多啲刺激，心情放鬆啲，都會容易啲進入到，配合水性潤滑劑都會有幫助～同時都有啲朋友分享做多啲訓練到盆骨底肌肉嘅運動，例如係Kegal Exercise，都可以令自己更能控制陰道內嘅肌肉，容易啲去進入～
我想問有冇邊隻潤滑劑推介? 我陰道比較敏感，好怕有刺激性既潤滑劑
潤滑劑會建議揀水性嘅，比較少刺激／會引起敏感，揀一啲溫和無香味同無其他效果（熱感／凍感）嘅都會適合。而市面上都有某啲牌子出防敏感嘅水性潤滑劑，可以上網／去成人用品店度搵到～