唔知會唔會有Bb

我4月28號第一次同男朋友發生性行為,計過個日係安全期。
果日就冇戴套,但佢就冇射。因為第一次所以有流血,得小小。
之後4月29號發生左前後兩次都係無戴套但係就有內射。都有小小血。
咁原本5月1號會黎M,都有黎到。第一日黎左好多血,宜家第二日得小小。平時第二日都好多,第三四日先小。係咪唔正常?
但係都有啲驚有左

Hi Arielyoon! 定D嚟~
就妳所講,發生咗不安全性行為後都有月經,一般情況下我哋都視之為已經排除懷孕嘅機會。如果妳都仲擔心嘅話,都可以係買兩個牌子唔同嘅驗孕棒驗孕,如果都係陰性嘅話,咁就代表無懷孕啦~:relaxed:

而月經量有機會因為身體荷爾蒙、作息、壓力等因素有多有少;如果長期月經紊亂嘅話,可能係身體出現問題,咁就需要去睇醫生尋求專業意見。但如果妳只係今個月提前一日減少咗血量,其實並無大礙,唔洗太過擔心嘅。:relaxed:

其實今次係因為無採取到避孕措施,而令妳有懷疑懷孕嘅擔心。唔知妳有無同男朋友講過妳嘅擔心?佢嘅回應又係點樣嘅呢?
事實上,只依靠安全期並非一個絕對有效嘅避孕方法。因為月經週期可以被太多因素影響, 而且往往要待經期出現先能夠推算已發生的排卵期及安全期,無辦法100%準確預計下一個月的「安全期」,變相安全期進行不安全性行為都並非絕對『安全』。
會唔會都考慮同男朋友傾下點樣更加有效地避孕,減低意外懷孕嘅風險啊?:thinking: