有關非插入式性行為避孕方法

#1

我想問如果冇插入式性行為 (即係淨係互相撫摸/自慰), 用三層保鮮紙包住陰莖, 足唔足夠防止分泌物痴喺手上面, 之後意外帶到去女朋友嘅陰部?

因為知道用保鮮紙做插入式性行為好容易爛, 同埋整親自己, 所以都唔會絕對唔會攞嚟進行插入式性行為,
不過平時同女朋友互相撫摸對方嗰陣時候, 都會咁做(用保鮮紙), 唔知咁樣有冇用? :bowing_man::bowing_man:

#2

其實即使係無插入陰道其實都可以使用安全套,會比起保鮮紙好啲,始終保鮮紙唔係為咗性接觸而產生嘅產品,製作過程中嘅衛生情況亦無法擔保,有機會引起過敏/其他類型嘅感染。而且保鮮紙比較乾身,冇乜潤滑感,如果隔住嚟接觸/摩擦到會容易造成傷口架!而且保鮮紙亦未必能夠完全貼實性器官咁包實,一樣有機會有分泌流出吖!市面上都有手指套/口交膜等嘅用品可以買得到,或者都可以配合到你哋嘅需要呀。