我今年23歲，最近同左一個男朋友一齊
原先我半年前同一個認識了6年，一齊了兩年的男朋友分手。
我對上一個男朋友既相處可以好親密，亦好自然有性行為，擁抱都有。我亦都完全無問題。
但唔知點解今次同呢個男朋友一齊，我明明都鐘意佢，想佢開心。我亦唔抗拒同佢有性行為。只係我最近的性慾已經比以前少左好多，同時我甚至好怕佢成日掂我同錫我，我覺得有好多時候都有壓力。
講多少少，唔知呢樣同佢份人係好講承諾既，而我地一齊左一陣，佢已經視我為人生最重要既人，或者終生伴侶。
我搵好多關係依戀狀態的資料，覺得自己似逃避型。 但我啲朋友又話我只係唔太鐘意佢，我好多壓力
聽你咁講，你抗拒同現任男朋友有親密嘅接觸有機會係因為未完全放低前度。可能你覺得自己已經放低左前度嘅一切，但始終你同佢都一齊左兩年，而宜家都只係分開左半年，有啲感覺同回憶可能都仲係好深刻，係好正常嘅事。不過都唔需要因為咁而自責或者逼自己move on，因為雖然咁講好老土，但好多時感覺同回憶都係要靠時間沖淡，嘗試回想返自己當初點解會鍾意現任嘅男朋友，同埋以你覺得舒服嘅方式同佢相處，如果覺得太多身體接觸會令你覺得好抗拒嘅就同佢講想暫時減少返啲先，最緊要俾知道你嘅諗法，知道你唔係唔鍾意佢，知道你都care佢嘅感受，一個真正愛你嘅人係會尊重你嘅諗法同感受嘅
如果過左一段時間你都係覺得好抗拒嘅話，咁可能你對現任男朋友嘅鍾意只係因為佢對你好而產生嘅好感。不過無論係你嘅朋友或者係我嘅意見都好，參考之餘最緊要誠實地面對自己嘅感覺