上個月有食過一次事後，不過食完藥都正常m返
之後4月10幾號有少少荷爾蒙失調，睇左中醫好似好返d。去到4月尾有尿道炎，食左兩星期抗生素，搭正經期suppose既第1日都仲食緊，遲左5日先食完。結論到而家都未黎。但我一向m前都會胸脹同痛，琴日先開似痛。。。
4月3-8日上一次m期
4月21有一次戴套但入左幾下先戴。。
28日冇套冇內射
我見好多人尿道炎食抗生素都會遲m
琴日又好似有d吹親有鼻水
又怕會係荷爾蒙失調
但始終好緊張
係咪要驗啦。。。
你好呀！睇嚟你自己都有答案，我都相信驗左你會安心啲嘅。
另外，你指嘅荷爾蒙失調即係咩？
驗左 冇懷孕
上個月睇中醫個中醫話我係荷爾蒙失調，因為對上嗰幾個月都好忙訓好少，心口生粒粒個妹又痛，所以嗰陣就去咗睇中醫。
呢幾日個胸開始脹痛，但又冇m到。唔知應該睇中醫定睇西醫
補充嗰陣飲左中藥好快冇事
今日有d啡色的分泌 係咪正常既m血？
而家未嚟m有可能係因為之前一啲生活習慣（睡眠不足等等）令到荷爾蒙有改變，雖然有過唔安全性行為，但驗咗孕無事就唔駛太擔心。你見到嘅啡色分泌物都有機會係嚟m前嘅分泌嚟嘅。
如果你之前睇完中醫情況有改善都可以考慮再睇多次嘅，即時改善情況先。不過如果長期觀察都覺得荷爾蒙唔係咁穩定，可以去睇西醫做一次詳細檢查，會安心啲。
不過都留意到你有試過唔同嘅唔安全性接觸，又試過食事後丸，係咪係避孕方面遇到咩難題啊？始終事後丸唔可以做長期避孕，體外射精亦唔係安全嘅做法，即時只係無套入幾下都有機會有精子進入到陰道架～