單邊蛋蛋問題

最近幾日覺得右邊蛋有D唔舒服感覺
坐得耐好似有D冤冤地
但絕對唔係痛

有D擔心所以都會摸下
會唔會有咩問題

之前感冒食左1個月藥會唔會有關?

個種唔舒服嘅感覺係坐得耐先會出現?有無其他情況都會出現架?另外有無其他情況,例如係有異常分泌或者陰莖其他位置覺得痛等等?

如果係食完藥之後先出現都唔排除係因為食過嘅藥物引起,始終每個人身體對藥物嘅反應都可以好唔一樣,有冇啲藥係你之前無食過嘅?同埋可以諗下呢一個月有冇其他習慣上嘅改變,例如係自慰習慣唔同咗或者有試過撞到陰囊?

其他位置無痛
上個月食既藥主要係抗生素 有一次有類固醇
自慰集慣今年都係星期六日先會 一星期兩三次

好耐無做運動 最近都肥左 關唔關事?

明白明白,都係坐得耐先會覺得痛?平時行路或者企得耐會唔會都有唔舒服?
藥物方面有機會會有影響,可以直接問返當時開藥比你嘅醫生,等佢知道你食完有唔舒服。
至於你話最近體型有變化,都可以留意下有無覺得內褲變緊咗,因為都有機會壓逼到陰囊,特別係坐係度嘅時候更加容易壓到呀。