即使有安全措施都驚會有左

其實我個人咩都會驚一餐:face_with_hand_over_mouth:,即使發生性行為男朋友全程有帶安全套我都會驚有左。因為安全套嘅避孕率得98% ,好驚自己會係個2%。係今個月11號我同佢有發生性行為,係有戴安全套嘅,同埋冇射,但佢係途中突然除左出嚟一陣 先再戴翻個套,咁樣個套會唔會已經冇用?

另外,我地有時發生性行為個陣,都係全程有戴套嘅,不過係佢準備射嘅時候就會拔出嚟,除套射係我個肚上面。其實咁樣會唔會有懷孕嘅風險?

最後,我想知其實如果係排卵期嘅時候即使戴套發生性行為係咪懷孕嘅風險都會高d?:joy:

Thanks~

你好:wave:,欣賞你好注意避孕同埋懷孕既風險,係對彼此負責任既行為呀。不過安全套98%既有效性其實已經係非常之高,只要正確使用,其實唔駛驚既。
但講到正確使用condom,都想問下點解做愛途中會突然除左套一陣呢?同埋再戴返時,係戴返同一隻套嗎?如果係用同一隻套既話,其實係非常唔建議既行為,因為用過一次既dom會失去彈性,又比較易漏。而且呢種情況套既外表接觸到精液既可能就比較大。即使唔係講緊戴返同一隻套,除套既過程都要特別留心,因為有機會精子由套中溢出,造成體液接觸既風險。
至於射係肚度,其實係冇咩懷孕機會,因為精子接觸空氣再著陸係乾既皮膚表面,係會好快死亡。但反而要注意下除套時都有精子溢出或者彈到或者流入陰道既機會,雖然機會都係好細,但如果你比較在意,都最好係男朋友除套時遠離你既身體呀。
其實原則上排卵期懷孕機會係高既,因為女性唔係日日都有機會懷孕,而係只有排卵時先有機會精卵結合而受孕。但排卵期既計算好難做到非常精確,所以使用其他避孕方法係非常重要。而如果你有正確使用安全套,懷孕風險其實已經好低啦。如果再擔心既話,可以考慮長效避孕丸或者避孕針等避孕方法,風險可以再低啲:muscle:

多謝你嘅回覆啊,解除左我心中嘅疑慮:bowing_woman:t2:
唔係好記得點解會除左出嚟啦:face_with_hand_over_mouth:,佢係用翻同一個套。
下次會留意翻呢個問題:bowing_woman:t2: