有戴好安全套女朋友都好怕有BB

我諗怕有BB我都會怕,但係戴好安全套都怕,我唔知點樣解釋佢聽。
個日我地第一次入,入之前已經戴好安全套同傾好射之前拎岀黎,但係入左幾下佢已經問我射未,我唔知比咩反應好:joy::joy:,我話冇咁快喎,佢就比我入多幾下就要我拎岀黎,我問佢係咪痛,佢話唔係而係冇辦法享受:pensive:,我問點解,佢話佢好concern有bb,我話我明但係我已經做足安全措施而且個少少%係戴得唔好先有,佢話佢都係好驚:pensive:,之後我地傾左成個鐘,個結論就係佢唔係唔想入而係真係好怕有BB,因為佢話可以用假嘅入就唔會有BB。個晚之後過左好幾日我都仲有啲在意,應該點好,好似大家之間冇左啲嘢咁:pensive:

都好明白你哋都好擔心會意外懷孕,始終無任何一種外在嘅避孕方法係可以做到100%安全。如果你哋傾完都覺得用安全套唔夠,可以試下再加埋食避孕藥/打避孕針,雙管齊下。不過如果對方都仲係好擔心,可以考慮暫時唔好進行陰道交,慢慢由指交同口交開始,當大家都ready時再去進行陰道性交吖。至於你講到嘅用假嘅去入,其實用性玩具都唔一定會令關係變差架,而且市面上亦有好多唔同款式嘅玩具,可以慢慢探索一下啊。