想問若果連續三個月，係月經期間小便有血到底係咩事？
本身好正常五日左右就已經完成經期。直至三個月前黎咗十幾日都唔停（P.S. 依家諗返其實都係屙血，唔係月經有異常），去咗睇婦產科醫生，開咗Noretone 5mg俾我，食咗幾日就停咗無事，之後keep住食藥直至下一次月經前兩日就停藥。
上個月又係月經第三、四日屙血情況又再次發生，去咗同一個醫生到開咗同一款藥俾我，食咗兩日又停咗。
今個月又係有屙血情況，想問到底係荷爾蒙失調定還是有其他事？
你好
，見到你講係小便出血，但睇返你講既Noretone呢隻藥係醫「因子宮癌、子宮內膜組織異位引起荷爾蒙分泌不正常所造成的子宮出血、原發性及續發性無月經、月經周期之變更」呀。（https://www.fda.gov.tw/MLMS/H0001D.aspx?Type=Lic&LicId=01025956 ）所以最好都係問下醫生，究竟係陰道出血，定係小便出血呢？因為陰道口同尿道口好近，所以呢兩者自己觀察可能就會難分啲，最好都係確定左邊度出血先，再問下醫生咩原因。
呢種情況搵婦產科醫生係啱架，聽醫生解釋返情況，再按醫囑按時服藥，相信係冇問題㗎。唔知之前醫生係如何解釋，或者有冇推薦你做啲檢查呢？如果你食左藥後既出血都反覆出現，而醫生又無解釋清楚，可能搵另一位醫生會穩陣啲呢。希望你早日好返呀；）