危險期帶套外射，套冇穿，安全嗎？
求解答
你好
，用condom避孕係相對有效既方式呀，不過成個過程有無正確使用安全套都對成功避孕係好緊要既。例如幾時戴套，同埋除套既過程係如何。如果係正確使用condom，而如你所講套又無穿既話，其實可以有98%既機率係唔會懷孕呀，係唔使驚既。至於你強調既危險期，其實女性既週期其實好少係非常規律架，所以排卵期（也就係俗稱既危險期）係好難精確計算到究竟係幾時。因此只要正確使用condom，無論係你認為既危險期，定係安全期，都係會安全架；）
cookiedough講嘅基本上都正確，另外都要留意所謂外射嘅位置喺邊度。
如果係除咗安全套喺陰道口外射精，其實都係有一定懷孕風險嘅。
如果射精精液無接觸到陰道口，基本上係無懷孕風險嘅。
其實，我哋講「安全性行為」除咗係降低懷孕風險之外，都係降低緊感染性病風險。
但某D性病唔一定係以精液傳染，例如HPV、陰蝨等，如果喺安全套無包覆位置嘅皮膚有HPV感染、陰毛有陰蝨存在嘅話，都有感染呢類性病嘅風險。
呢方面，最緊要確認性伴侶同自己都係無隱藏性病係身，咁就性病零風險啦～
外射係出左黎之後，用手整多幾下，射左落安全套入面
不過岩岩帶套嗰陣吾小心調轉左，不过好快發現，套左好少就發現左，之后即刻調返正确位置，咁样會吾會中
體外射精嘅部分你係指陰莖從陰道抽出後依然在安全套中，並且在無除安全套的情況下在套中射精嗎？如果係咁，而安全套嘅品質無問題、並且正確使用安全套，咁基本上係無懷孕風險嘅。
但聽你講岩岩帶套嗰陣唔小心調轉左，套咗之後先發現並即刻調返正確位置。其實咁樣屬於不正確使用安全套，由於唔能夠肯定安全套外部有無接觸到你嘅前列腺液/精液，我哋唔能夠確定地同你講會唔會懷孕，但的確係會有懷孕風險嘅。
下次如果調轉咗安全套，並且該安全套已經接觸到龜頭，記得要重新用另一個安全套啊！
不过嗰套冇掂到嗰頭架
但係其實都好難可以肯定到有無接觸到分泌架，雖然你記得無直接掂到龜頭尿道口位置，但都唔能夠100%排除有分泌流咗出來去陰莖其他位置，依然都有少少風險嘅，下次記住小心啲啦。如果擔心的話，驗孕係最安全嘅做法。距離你發問已經8日，其實驗孕棒最快係性行為後7日就可以有初步結果，或者等到第11日先去驗會再準確啲。
1個讚
機會大不大？因为之後我戴返岩嗰陣，係咁用手磨擦過，而且本身安全套有好多潤滑濟
有冇人答
就接近經期，但仲未有症状…真係有可能懷孕嗎？
經期前嘅症狀每個人都唔一樣而且唔係每一次月經前都一定會出現，亦是無都唔代表係懷孕。
所謂機會率其實係連醫生都無辦法可以比到一個好準確嘅確實數字你，因為即使無套內射都唔一定100%會懷孕，要睇番當時精子嘅活動力，卵子係咪已經排出同女性本身身體體質容唔容易受孕，有好多好多因素。今次嘅情況，調轉咗安全套再帶返係會有風險嘅，即時你有用手磨擦過，都冇辦法完全排除接觸過尿道球腺液／精子嘅機會。
你不如試下驗孕呀，距離你發生性行為已經超過11日，驗嘅結果會好準確架，與其估估下不如驗一次當自己安心啲。