中藥會否影響避孕針避孕

我有打避孕針一年,平時都準時打,係近 日想食中藥調理身體( 葛根粉),食完第一日就泥左一個星期M(5月21開始)(好多個種)我上個經期係5月6開始(五天),我有點擔心避孕針成效會否因而受到影響,因為係5月29有同男朋友做過,因為買唔切套所以中岀左會否因為咁而懷孕

你好:wave:,欣賞你平時有注意避孕同埋選擇長效避孕方法,避孕針係比較穩陣又安全既方法呀。其實葛根粉係植物中提取既澱粉,而避孕針係含有荷爾蒙既處方注射劑,所以葛根粉係唔大機會影響到避孕針既效果既。不過最好可以係下次打針前問下打針既醫生,或者問埋開中藥比你既中醫,咁就至穩陣喇。
見到你話食完葛根粉5月21日黎m,令到你擔心,其實平時你既月經週期大概幾耐度呢?如果計返週期長度都係合理範圍內,其實就算食完第一日就黎m都冇咩問題呀。
關於懷孕,如果有準時打避孕針,即係係前一針有效期到期之後按時注射下一針既話,其實懷孕機會係非常之低架,因為避孕針既避孕效果係非常好既。而再用安全期方法推算既話,如果你由5月21日開始月經週期,月經持續7日,其實估計下,正常黎講5月29日係週期既第9日,並唔係會排卵既階段。因為一般黎講女性週期14日-25日左右先會排卵,所以你懷孕既機會會再細啲。當然要提提你,雖然係咁講,但所謂推算安全期既方法並唔100%可靠,只係一種參考,準時打避孕針先安全呀。