點先令到女仔高潮?

我同女朋友做果陣 做左好耐佢都無高潮
直到佢用手開始玩埋自已下面佢先高潮

你好呀:wave:,女性高潮係非常複雜既問題呀,都好欣賞你會在乎女朋友係性行為中既體驗。不過都想首先同你講,係咪能夠達到高潮因人而異,高潮都唔係成功性愛既標籤,女性冇高潮既性愛同樣都可以好愉快。如你所講,女朋友用手刺激下面(相信係陰蒂)而達到高潮,而呢種高潮方法對女性黎講係非常普遍。陰蒂係女性好敏感既部位,許多女性都可以通過單純刺激陰蒂而達到高潮。如果女朋友也接受,或許你地可以在性行為中嘗試刺激呢個位,睇下佢既體驗。不過敏感既部位又因人而異,有啲人會有所謂陰道內部既G點,但有啲人又冇。有好多研究又都認為前戲對女性既高潮好有效果。因此你可以嘗試係女朋友既引導下去探索佢既身體,睇下邊啲部位係會係敏感地帶,一路溝通去瞭解佢既感受。不過性生活最緊要唔係達到高潮,而係兩方之間去溝通,一齊去探尋最好既經驗。希望你地可以有愉快既性生活呀;)