點解有時見到比較帥的同性的時候會害羞?我覺得我是異性戀
你好呀,古語有句說話係「愛美之心人皆有之」,見到美既事物或者人,我地自然會因為喜愛而引發唔同既情感,呢啲係好正常既現象,唔駛擔心呀:)而係同性面前覺得害羞,係你個人既一種情感表達,因為唔清楚背後既原因,又唔可以由此判定你係咪同性戀。異性戀都可以欣賞同性既美貌,而同性戀見到外貌好出眾既同性都未必會覺得害羞。判定一個人係咪同性戀既標準,更多既會睇係佢係咪有情感上比相同性別既人吸引(romantically attraction)或者性方面比相同性別既人吸引(sexually attraction)呢兩方面。
同時都想提提你,有時我地會面對「我究竟係同性戀定異性戀」呢條好經典既問題唔知點揀,不過其實答案係唔駛揀呀。我地每個人既性向(sexuality)其實唔係同性戀或者異性戀二揀一,而係會落係一個光譜(spectrum)既某一個點上面。想像光譜既一端係絕對只鍾意同性(exclusively homosexual),另一端係絕對只鍾意異性(exclusively heterosexual),而中間有好多好多位,譬如多數時候都鍾意同性而偶然會鍾意異性,同性異性都同等鍾意,等等等等。或者好似之前所講,一個人可能情感上比一種性別吸引,而性上有比另一種性別吸引,呢啲都係絕對正常。性取向係你個人既一種特質,係冇一定標準既,要相信自己既感受呀:)
*romantic attraction
*sexual attraction