穿緊身褲會不會因為它緊貼陰莖而會有性興奮的感覺？如有，是不是每個男的也會有？
男性著緊身褲有機會因為行路嘅時候緊身褲磨擦到陰莖表面而有生理反應，而依個反應係因人而異嘅，例如每個男性嘅陰莖敏感度都唔同咁，所以唔需要太擔心嘅
如果因為著緊身褲而造成嘅生理反應覺得困擾嘅話，可以試下著多啲鬆身褲，一黎舒適啲，又唔洗就住就住
謝謝你！
我不會再穿，但是為什麼我也很喜歡它緊貼大腿的感覺，並想摸它
Push
其實喜歡呢種感覺都無問題架，好多人都會對某啲衣物材質或者觸感有興趣，亦會不自覺咁去觸摸，喜歡貼身衣物更加係無問題呀，呢個只係個人喜好嘅一種，唔係咩「唔正常」嘅表現呀。
係味特殊性癖好？
只係一種個人喜好，就好似每個人鍾意食嘅野都唔一樣咁，只要唔影響到日常生活運作都係無問題嘅，唔洗俾太大壓力自己
2個讚
「癖好」呢個字本身帶少許貶義，亦會將行為病態化。我哋通常會稱之為「性喜好」，係一啲中性嘅個人選擇，應該病態或者唔正常嘅行為。就好似Ana咁講，
每個人都可以有自己嘅選擇，無論係飲食，衣著定係性嘅習慣上，我哋都會選擇權去揀令自己覺得愉快嘅選項架。
1個讚
係咪真係好似性傾向，都係個人嘅選擇？覺得自己有點奇怪
算唔算係戀物？定係只係一個普通嘅個人喜好， 好似我鍾意打乒乓波人哋鍾意打網球咁？
性傾向好多時都係天生嘅，未必係一個「選擇」。至於唔同嘅性喜好亦有好多人覺得係天生嘅，亦有人後天慢慢認識多咗先發現自己鍾意。
「戀物」係一個比較深嘅課題，如果要從心理學或者精神病學分類嘅角度去理解，一般都需要係該性喜好為個人帶來長期嘅負面感覺（例如情緒底落，感覺痛苦等等），同時要因為呢項喜好而影響日常生活，人際社交等等。但亦可以係單純地指一個人「喜歡一種物件」嘅感覺，係一個普通嘅個人喜好。只要無影響到日常生活，其實每個人都會有自己嘅喜好同選擇，亦可以有唔同嘅原因令自己感覺性興奮。
但如果喜歡緊身衣物呢件事令你長期受壓力，或者除咗呢樣嘢之外無辦法再有其他人／物能夠刺激到你嘅性慾，都歡迎你再同我地深入傾下你嘅情況呀，如果有需要嘅話我哋都可以幫你轉介去其他專業服務 
謝謝， 我諗係因為緊所以先會有性興奮，平時都有用開其他方法自慰
1個讚