好驚有事!

如果做完愛之後流帶啡嘅白帶同埋有戴套外射嘅話,會唔會有bb?

如果性行為期間係有正確使用安全套的話,懷孕嘅可能性係非常之低,除非係安全套本身有破損或者穿漏。至於之後有流啡色嘅分泌物,有幾個可能性嘅,可以係因為就快經期,亦可以係因為係性行為期間可能因摩擦太強而造成少量傷口,所以有少量血液,連埋白帶等嘅分泌物流出來就呈現啡色,無論係邊一個原因,呢啲都唔係懷孕嘅徵狀,唔駛太擔心呀。

我本身有用開三個計算經期嘅apps, 但佢哋預測經期嘅日子已經過咗,姐係我遲左幾日。搞到我同男朋友都好擔心有bb, 成日太緊張會吾會影響黎m,呢排因為我黎唔到m,搞到大家都冇心機做野,好唔開心。

緊張嘅情緒係有機會會影響月經架,有好多外在內在因素都會對月經有影響,例如係情緒,生活習慣,身體抵抗力,有無食過藥物等等。月經本身就係好容易有波動嘅,遲咗幾日都係好常見架。如果真係好擔心係 唔係懷孕,可以試下買驗孕棒驗孕先,得到結果後起碼可以排除呢個可能性令你哋雙方都無唔擔心先。