我同男朋友係對方既唯一性伴侶, 半年前第一次開始有同男朋友做, 但都係好間中先會
但就發現自己經常做完後兩三日就開始有尿道炎症狀, 半年黎已經六次復發性尿道炎…自問自己每次都有即刻去小便同做好清潔, 真係唔明點解
我好想check下自己係咪有尿道結構問題, 定係我對condom/spermicide/持久裝condom敏感, 但係唔知可以係邊度睇(我尿道炎都唔夠膽去睇…因為自己同男朋友都係醫療機構做, 唔好意思撞到識既人, 淨係自己食抗生素)
唔知有無啲family counseling或者sex clinic可以去做呢啲檢查呢?..
我之前試過尿道炎，睇普通家庭醫生，醫生開咗一d食完小便會變橙色的藥，請問你是食這種嗎？如果只服食抗生素，並不能有效針對尿道炎。
有些女生尿道天生比較短，容易尿道炎。也有些人是因為做愛時不小心令尿道口破損，造成感染發炎。
如果你平時用的是乳膠安全套（latex），又懷疑自己可能對乳膠過敏，可以用PU物料的安全套（sagami 0.02）。
如果你去睇普通家庭醫生，也容易被認出嗎？
請問你幾歲？如果是26歲以下，可以考慮去家計會的診所呢，收費比私家醫院便宜。
我今年25歲, 係咪就可以就咁行入去家計會睇?
其實都只係食抗生素咋無食個隻(我相信係黑色圓形個種藥丸?利尿作用的), 因為食完一個療程既抗生素我小便就無問題, 就每次都係咁自己食藥
因為仲有好多同學係唔同地方做, 再加上唔想俾父母知道我地有做, 所以都無睇醫生, 連睇開既私家醫生都唔敢去睇
其實差唔多每次做完之後都會尿道炎, 令我覺得不明所以, 明明自己做足晒清潔, 搞到有時直頭驚左, 男朋友都覺得如果再係咁落去可能會選擇唔做或者變成我食避孕藥, 但我都想check清楚邊樣野出問題先作決定…
冇錯啊，只要打電話去預約，就可以入去睇。不用怕羞，裡面的姑娘態度都很親切，而且收費比私家醫院、診所便宜，服務質素有保證。
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=19
另外，尿道炎唔等於性行為，因為好多女仔夏天天氣熱都會有尿道炎問題，女仔的陰部長期不透氣，有炎症其實係常見。我講的藥個原理應該係個藥效進入小便，排尿時，因為尿液含有藥，所以幫尿道消毒殺菌。
好建議你去家計會諮詢醫生意見，你地不如停止性行為一個星期，俾你自己身體恢復下先啦。
你地親密前有冇沖涼啊？男朋友的陰莖也要清潔呢
我地做既次數可以係隔三個月先一次, 所以好明顯會知道一定關事, 而且唔需要停止一星期, 因為本身亦無咁密
我地兩個都有事前加事後沖涼, 所以更加唔明白
我會試下去家計會的, 多謝你!