避孕問題 急

我和我女朋友做愛了但是我在拔出的時候套滑落了 然後我立刻把套拿出來和檢查了啲液還在套入面同埋立刻去沖涼同埋用沖涼液洗 但是我女朋友和我還是很擔心會有bb喇 應該要買事後藥吃嗎?

你好呀:wave:,唔知你講既「滑落」係咪講緊射精後拔出時只拔出陰莖,而避孕套有部分留係陰道內?定係已經將成個陰莖連避孕套拔出陰道後,套又滑落到某處?可能要詳細啲講先知呀。不過都可以提一提你,其實會否懷孕既判斷標準,就係你含精子既體液(無論係精液,定射精之前分泌既腺液,無論係直接射出既,定套中留低既),有冇掂到女友既陰道。如果呢啲含精子既液體有機會進入陰道,咁就有機會遇上卵子而造成懷孕。所以你可以試下諗返過程中有冇咁既接觸可能呢?

如果你地感覺今次有一定既風險,認為需要食事後丸,記得要睇返有效既時間(有72小時內有效同120小時內有效既唔同種類),同埋要去正規診所或者家計會摞藥。家計會果隻就係120小時內有效,可以打電話book,而私家診所就可以walk in問。