唔知係米懷孕?

我一向準時28日一次M,上次M係30/05,今次遲左已第5日,但係30/06用驗孕棒得一條線。但有懷孕想嘔個D,怕係心裡作用。

你好呀:wave:,唔知你係6月30日驗孕,但最近一次性行為係幾時呢?驗孕棒一般係性行為7日之後驗得,而11日之後結果就會好準確。所以如果你係有效既時間段內驗孕而結果又係一條線,就真係唔使驚啦,要相信結果。至於月經週期既變化,除左懷孕既可能性之外,都有機會係呢排生病、或者用藥、作息變化、壓力等等既好多因素。正如你所講,嘔吐既情況其實都有機會係心理作用,未必係孕吐,所以最有效既判斷根據都係驗孕棒既結果呀。

無知一問 係咪姐係發生咗性行為後7日 跟住驗就會知道自己有冇懷孕?咁若果我係發生咗性行為後一個月去驗 係無懷孕 咁係咪就吾洗擔心啦?因為我今個月遲咗8日嚟m

性行為後7日驗孕會有初步嘅結果,11日後驗的話結果已經相當準確,一個月之後或者係預計月經嘅日子去驗都係無懷孕的話就係無事架啦。係你自己個post都有同你傾過遲咗嚟m唔一定係因為懷孕架,有好多因素都可以令月經唔準時嚟或者變得唔規律架。