安全套爆左

啱啱同女友第一次做
做做下個套pop一聲穿左 插左幾下先知 已經即刻抽返出嚟
有換個新嘅套再做
女友6月24-26左右嚟完m
請問懷孕機會大唔大?

push

其實好難單憑月經日子去推斷排卵期同會唔會受孕嘅,只要有機會有體液接觸就會有風險。雖然係聽到聲之後就即係抽返出嚟,雖然當時未射精,但始終陰莖係性興奮時已經會有尿道球腺液分泌當中都含有精子,只能夠講係有機會。如果擔心的話可以考慮去診所或者家計會診所見醫生食事後丸,咁會安心啲。

另外都要留意下點解當時安全套會穿,有機會係戴嘅方式唔啱令到有空氣係套入面,所以係磨擦同擠壓下就會穿。記住係套落陰莖嘅時候要確保有按實安全套上面嘅儲精囊,令所有空氣都擠出,同埋要套到落陰莖底部,咁樣就可以減少安全套破裂嘅情況啦。另一個可能導致安全套爛嘅原因係因為唔夠濕潤而磨擦太強,都可以留意下有冇需要額外再使用潤滑劑呀。