同男朋友7.1做咗 射咗之後 發現個套穿咗 但佢唔係係好入面射 係陰道範圍 當時已經流咗好多出嚟 我即刻去咗沖 發現意外個日正值係安全期 我嚟m一直都幾準 所以本來應該今個月五號嚟 唔知係咪因為太驚 太緊張所以仲未嚟m 加上呢排又好夜訓 唔知有冇影響 好驚有咗 我想問 有嘅機會大唔大？
求解答
黎m嘅時間的確會受到情緒、作息時間轉變等因素影響。如果真係好擔心懷孕嘅，可以用驗孕棒check下或者去驗血，因為你宜家距離嗰次性行為已經過左7日所以驗出黎嘅結果會較準確 (建議喺性行為嘅7-10日後驗孕)。
同埋都記住喺性行為之前檢查下個套有無破損，亦都要將安全套頂部嘅空氣唧走先戴，咁就可避免安全套喺性行為期間因為磨擦而破損，亦都可以確保精液唔會流出安全套。
以我呢個情況大唔大機會有？
但我幾肯定過咗排卵期
我期間有食過感冒藥 好夜瞓 同差不多日日都飲凍嘢同食辣嘅 係咪有影響 ？
自從個日就好驚好緊張亦feel唔到嚟m徵兆
但係我上個月排卵應該係19號 7.1粒卵應該死咗 再計精係三日命 我都未排卵 我覺得應該冇事？但係未嚟m心好慌！可唔可以儘快答下我 中嘅機會大定唔大？我聽日會買野驗 plz
買棒驗啦
雖然你嘅經期一向都準確，但排卵期都有機會受到唔同嘅因素影響，所以未到黎m嗰日都唔能夠100%肯定幾時係排卵期嘅。建議你可以去左驗孕先，始終一直處於焦慮嘅狀態對身體都唔好。