冇套外射,食咗事後丸

喺7月6號晚10點左右同女朋友做咗,冇套冇射到。
之後7號早上9點做,冇套外射咗。
8號早上9點半到家計會食咗事後丸。
佢好大壓力好驚,個人冇哂表情咁。
請問我仲可以做咩?大唔大機會有咗?

佢6月16黎m,今個月未黎,佢通常遲,唔準。
6月以次就反而早左一星期。

Push

有人可以俾到意見嘛?:pensive:

家計會嘅事後丸係120小時內要服食嘅,你哋係性行為後2日內已經去咗食藥,藥效如無意外都會正常發揮,而且當時醫生姑娘都評估過你哋嘅情況先決定開藥,可以係性行為當日開始起計7日後驗一次孕確保無事,第11日再檢查一次會有更準確嘅結果。除咗壓力同擔憂之外,本身事後丸嘅高劑量荷爾蒙都會對身體有影響,令情緒有波動都係常見嘅,呢個時候你可以多啲陪伴對方同安撫佢,要相信藥物嘅效力。除咗你話佢本身經期唔太準之外,本身藥物都會影響下一次經期,所以要有心理準備下一次月經有機會比以往嘅更難去預計,經血量等亦有機會有變化。

同一時間,其實都要借今次機會諗吓之後發生性行為要唔要用同用邊種安全措施。今次你哋無使用到安全套或者其他避孕方法,當中有冇咩原因,或者你哋之前有冇商量過要用咩方法去避孕。事後丸唔係一個可以長期使用嘅避孕方法,而現在亦有好多唔同類型嘅安全措施可以選擇,總有一款會適合你哋之間去使用,咁就唔使下次再心驚驚啦。

感謝你嘅解答。
想問如果第11日都驗到冇的話,仲有冇其他可能性會有?定係安全起見去驗血?一個月再驗多次?

第11日驗到都係冇的話可以係預期嚟m個日再驗一次呀。至於要唔要去驗血,其實每一種測試方法都有機會有誤差,無論係可以自行使用嘅驗孕棒定係去診所驗血都有一定嘅機會率有可能會出現錯誤結果,但其實佢哋兩者嘅準確度本身亦好高。驗孕棒只要跟足指示去驗同睇結果已經非常準確。做咗測試就要相信結果,否則就算去埋驗血都只會擔心個結果係咪唔準確,令你哋兩個每日都提心吊膽。