好擔心有BB 急!!!點算

同女朋友做果陣有帶套嘅
佢話見到我帶套前掂到啲粘液
我主觀視覺就見唔到啦
帶左套10幾秒之後先入佢嘅
佢上個月就係前日呢M嘅
過左1日都未泥
好擔心有左 如果有左咁點算
做完到依加過左2-3日

帶套前掂到啲黏液係指個套嘅外面接觸到黏液?不過而家大家都冇辦法去判斷到底果啲係男性陰莖嘅分泌(有少量精子)定係女性陰道嘅分泌(無精子),不過照你所講當時過咗10幾秒再去進入陰道,精子本身接觸到空氣或者其他物質都會好快死亡,風險都相對係低。如果你哋真係覺得好擔心,可以考慮去家計會或者其他診所見醫生拎事後丸食,性行為到現在過咗3日左右都仲可以食120小時內有效果款藥嘅。

至於未嚟月經,本身就好少女性會每個月都同一日嚟月經,加上要睇番你女朋友本身一向經期嘅規律係如何,好難單憑唔係上個月同一日就話係懷孕嘅。而且月經本身就可以收唔同嘅外在內在因素影響到,好多時都唔係因為懷孕而導致經期有誤差。同埋假設你女朋友係前日就會嚟m,咁你哋2-3日前發生性行為嘅時候其實佢體內嘅卵子已經係無受精,已經增厚充血嘅子宮壁亦都開始剝落準備月經開始,所以呢個時候都係唔會因此而受精懷孕嘅(不過因為無辦法可以準確預測下一次嘅經期,所以呢類型嘅「安全期」計法並唔可以用作理想嘅避孕方法)。

而家最穩陣嘅做法係驗孕,一般係預期經期嘅日子去驗孕都會相當準確,不過因為你哋係最近呢幾日發生性行為,如果想驗孕的話都係等到性行為後起計7日後去驗會安全啲。

聽你咁講放心左好多 雖然佢仲未泥M

依加女友佢話個肚谷住谷住
好似就泥離M
如果有左嘅話會唔會咁?
真係好擔心
如果有左咁點算?

按你所講會理你哋發生性行為都係過咗2-3日,即使真係意外懷孕都唔會咁快就出現症狀,所以你女朋友所感受到嘅個肚谷住谷住就應該唔係懷孕嘅徵兆啦,唔駛咁擔心。有呢啲感覺可以係因為就快嚟m,亦可以係因為其他身體唔舒服而出現嘅,如果過咗幾日都仲覺得唔舒服可能就有需要去睇醫生啦。過份緊張嘅情緒都會影響月經架,嘗試同女朋友做啲其他活動分散下注意力,然後等性行為後起計第7日就去驗孕啦。你哋今次嘅情況本身風險都好低,唔駛太過擔心呀。

如果意外有左咁點算?:scream:

佢到依加都未離M
都已經過左5-6日啦
琴日仲食埋谷M嘅野食
如果真係有左咁點算?
我地都仲讀緊書 加上屋企又管得好嚴
好驚

已經離左M啦 放心了

黎m就好啦:D 不過都想再提下,如果未有懷孕準備,日後都要盡可能做好避孕措施。今次有用套其實係好好既決定,最好可以開始勃起後就戴套,避免陰莖與陰道既體液接觸,而掂過陰莖既手或其他部位都唔好再掂陰道,除套時都要小心體液外流或者飛濺:)此外如果真係非常驚,女友都可以在詢問醫生確認可以後服用長效避孕丸(注意唔係事後丸呀)。做好避孕措施,咁就可以避免不必要既驚慌啦;)