如果雙方沒有愛滋而進行性行為,會得愛滋嗎?

雙方已徹底檢查沒有愛滋病,
但如果嘴巴/肛門有傷口,且精液射到對方的口裏/肛門裏,
會得愛滋嗎?
或會否患有其他疾病嗎?

如果雙方都已經係空窗期(對上一次性行為起計3個月)過後進行過愛滋病病毒測試而結果係無感染的話,係唔會傳播到愛滋病病毒架。至於會唔會感染到其他性病,就好視乎你哋雙方本身有冇感染。如果兩者都係係空窗期後進行過性病測試而所有結果都係陰性,咁就唔會感染。

題外話,其實即使感染到愛滋病病毒(HIV)並唔一定會演變成愛滋病(AIDS)架,加上而家藥物可先進,即使感染到愛滋病病毒,只要準時食藥同定期去醫生度做檢查,係可以將體內嘅病毒量降至不可檢測(undetectable)嘅水平,而係呢個狀態之下體內嘅病毒係不可傳播(untransmittable)架~

如果係男男性交行為呢?

你好呀,其實HIV感染既原理無論男女、男男定女女都係一樣架,都係睇有無攜帶一定量既病毒(病毒量足夠低,都唔會傳染),同埋有無體液接觸。如果如你所講徹底查過係無(前提係大家已經係空窗期)就唔會有可能感染,無論肛交、口交都唔會架。可能社會有啲迷思會話所謂男男AIDS高風險,但並唔係同性別有關係,只係因為男男之間可能肛交多啲,而肛門比較容易出現損口,多啲機會造成血液接觸病毒架。

同埋其實研究都指出即使係男同志之間,都只係有大概40%係有進行肛交性行為。本質上肛交係任何性別任何性傾向嘅人士都可以進行嘅一種性接觸嚟架~

1個讚