點樣向女友提出自己的性需要

有時候好想女友幫我解決,但又怕她覺得很變態,點算

你好呀:raised_hands:理解你既需要呀,係一段親密關係中,性係好重要既一part,不過性既開始並唔係去諗點樣叫對方滿足你既需要,而係瞭解彼此既需要:)
性係兩個人既事,想進行性行為係好正常,唔想進行性行為亦都好正常。因為認知唔同、經驗唔同、身體構造唔同,所以大家對性既諗法可以天差地別。不妨去瞭解下你既女友,佢係點樣睇性呢?你地平時討論呢d話題既界線係邊?你地平時身體親密接觸又去到邊?如果你地平時唔多傾性,宜家可以先試探性問下佢一啲同性有關既topic,睇下佢會唔會反感。(最簡單都可以試下講「我呢排係一個好好既網站糖不甩學左點樣正確使用安全套」咁:joy:⋯講笑)
如果佢已經願意同你傾對性既睇法,咁就係一個好好既開始啦!但如果佢並唔係好想講性,希望你可以理解佢既決定,同時試吓去瞭解背後係咩原因。可以係因為冇接觸過相關資訊,可以係因為信仰、受他人影響,總之背後既原因可以好多樣,瞭解並且尊重呢啲原因,先可以明白如何進行下一步溝通。
係表達你既性需要之前,不妨做左以上呢啲野先呀。瞭解對方對性既睇法同對方既性需要係愉快既性體驗既第一步;)明白佢既立場,先可以用適合既溝通方式去表達自己。希望你既第一步順利:muscle: