膽心會唔會有左

今年19歲,自己經期不嬲都唔準,而且無刻意去記低黎m嘅週期。
但上個月6月16號晚黎m, 到27號同男朋友無扑野,但同佢有親密接觸嘅時候佢扯左旗 有前列腺液流出黎 佢有幾次伸手入去chok左幾下,唔知手有冇掂到啲液體,之後佢想用手指插我下面,我膽心所以都叫佢洗洗手先,但佢只係用清水洗左幾下,之後插左入去小小大概一節手指左右(我仲係處)就無再深入。

到今日7月24都未有黎m,明明之前已經流左5-6日淺啡色分泌物,都以為就黎黎m, 點知今日突然又冇再流啡色分分泌物。哩個月黎一直都好擔心,好想快啲黎m但又等極等唔到,唔知關唔關自己不嬲都唔準時,定因爲壓力…我又唔敢買驗孕棒住…
所以想請問大家 我嘅情況有左嘅機會有幾大?…
唔該哂大家,本人哩個月黎都十分擔憂。

求解答:sob:

不會,精子接觸空氣會死

你好呀:wave:,唔駛驚既:)親密接觸時陰莖確實會分泌一啲帶精子既液體(其實唔係前列腺液,而係尿道球腺液><),不過如果有用水沖既話,其實啲精子仲可以存活既機會就好細。同埋由6月16號開始計,到宜家7月31日大概係45日,一般黎講年輕女性既週期有四十幾日都並唔算太長,因為好多因素會有影響,所以都唔需要驚慌。如果可以睇番你之前大概週期既長度黎比較,會更準確啲。

至於你所講既流啡其實都比較多見,造成既原因都好多,所以好難得出結論。有機會係黎m前既分泌,也有可能係其他原因(身體荷爾蒙引起不規則出血等等等等)。如果身體無其他唔舒服,例如下體痕、痛既話,相信都無大礙既。而如果係長期出現咁既情況又加埋其他症狀,就有可能要睇醫生。

就咁睇你懷孕既機會其實係好細微架,不過都想提一提你,其實對驗孕呢件事唔駛驚架:)驗孕唔一定代表你懷孕,其實都只係一個好普通平常既測試,選擇驗,多數時都只係為左令自己安心。宜家市面上既驗孕棒多數係性行為發生後7日就可以驗,可以快速知道結果,係十分之方便呀。

多謝你咁詳盡覆我,睇完安心左好多。但到目前為止都仲未黎m⋯⋯

買驗孕棒

唔使太過緊張既,你之前都有講自己m不嬲都唔準時,可能以前都有咁既情況,而你冇留意呢?而且呢排你壓力都大既,不妨focus係其他野度,做住其他野先。如果真係驚得滯,係可以用驗孕棒驗下既,唔好有壓力,唔需要覺得驗孕棒就一定係有左先買,其實只係一個普通既測試黎,為左安心咋:)

你好呀,其實我7月尾嗰時買左兩枝唔同牌子嘅棒驗左兩次,第一次得一條線,但可能我尿太多搞到有條打橫好淺嘅水漬線(因而支棒係直線顯示嗰種,理應唔會有橫線)。之後唔放心,過左排又再驗,就好清楚得一條線。但我驗前都飲左幾多水下,見啲人話飲太多水驗會唔準,但我都應該過左有3-4個星期左右先驗,請問哩個情況下係咪都會唔準定點?:woman_facepalming:t6:總係有啲擔心

你好呀,出現左果一條線,其實就代表驗孕棒操作正常既。不過想問下,一般採尿區(果塊需要浸尿既吸水棉)同判定區(有線既位置)都幾遠,唔知你講既水漬線係點造成呢?如果尿液太多而浸到驗孕棒其他部分,確實唔係正確既操作,可能有少少影響。第二次既情況都有機會唔準,驗孕棒係尿液中hCG激素濃度,理論上係飲水係會稀釋激素,減低檢測準確性。其實飲水多到令結果變左假陰性都唔常見,但如果唔放心,都推薦你跟足正確方法驗多次呀。

唔該哂你答我:pray:t2:,btw啲尿無浸濕到顯示屏嗰個位,但因為支棒要沾尿液沾5秒,我無太認真去計5秒,但都沾左幾耐下,之後等結果嘅時候就好似有條好淺嘅水漬條咁嘅野。因為支棒正常應該唔會有橫線…所以我就咁推斷:woman_facepalming:t6: