好京有左 點算

我想問一下 我7月23有性行為 不過只用陰莖在陰道插進了一個手指頭的長度 沒有射精 7月28流血了 是代表懷孕著床嗎

手指頭是指手指的第一格 即2至3cm

你好呀:wave:,其實懷孕著床出血並唔係好常見,只有少部分女性有咁既情況。著床性出血一般發生係精卵結合後既6-12日(有啲人也會話10-14日),總之並唔會4日咁快就出現,所以你既情況大機會唔係:)女性下體流血可以係好多原因,譬如第一次性交既出血、性交過程中造成陰道傷口、荷爾蒙分泌導致既出血等等等等,好難對你既情況有確定既解釋,要睇血量幾多,持續幾日,同埋有冇反覆(呢方面最好諮詢醫生啦)。不過如果只係一次性既出血,冇反覆,同埋冇其他症狀,基本上都唔需要擔心:)

不過雖然排除左著床性出血,你既情況如果冇用安全套其實都有懷孕既風險。如果有用套咁懷孕既機會係好細既,但係如果冇用套,就算陰莖只係插入小小,因為陰莖上可能已有含有精子既分泌物(唔係精液,而係俗稱pre-cum既尿道球腺液),所以啲精子都有機會進入陰道從而精卵結合。不過都唔駛驚慌,宜家可以做既其實都只係睇下今個週期有無黎m,因此冇必要過於憂慮,反而可能由於心理壓力過大而令m遲黎呀。

係咪都可以驗孕 過左都有11日 係咪都準?唔該你

佢7月7黎m 姐係咪危險期?會唔會好大機會?

可以呀,驗孕棒性行為7日之後就可以驗,11日後結果就幾準架啦:)平常心對待啦,唔駛緊張,其實都只係一個普通既測試呀:)

驗孕係咪一定要朝早嘅尿?定係其他時候都ok

唔係話一定既,但多數都會建議朝早起身就做,會更加準確,因為一般黎講朝早起身第一次排尿入面果種被測試既荷爾蒙(hCG)含量最高。但其實尿液驗孕測試整體準確率都相當之高既,如果你真係只可以係下晝或者夜晚做,或者朝早做、但唔係第一次排尿,其實相信結果都幾準。

唔該你 遲啲再有啲咩同你講翻

係因為危險期 所以會懷孕嘅機率大左?