有少少擔心

上星期二,女朋友幫我口交到我射咗。我同佢都有用紙巾抹乾手指。大概10分鐘之後我幫佢指插。佢之後好驚出事所以食咗事後丸。佢話除咗作嘔同暈之外仲會下面出血。
請問
1 會唔會有事
2 啲血係咪正常

你好呀:wave:,如果有抹乾手上既精液,加埋又隔左一段時間,啲精子大機會係唔會存活既。懷孕機會都係非常非常細啦。不過都小小建議下,指插前都可以沖下、確認係無精液,就最穩陣啦;)

其實咁既情況並唔需要食事後丸既:)一般黎講,事後丸因為荷爾蒙含量高,都會有一定程度既副作用,譬如頭暈、感覺嘔心、胸部酸痛,都包括月經提早黎或者遲黎,都非常多見。女友既出血相信大機會都係攝入高劑量荷爾蒙所導致既。不過事後丸就一定係要家計會或者正規診所開先可以保證有效,同埋因為事後丸荷爾蒙含量較高,唔建議頻繁使用呀。

女朋友話食咗放心啲啫,唔該哂