下體生左肉粒 本身唔痕唔痛 好耐了
大概幾個月？然後呢排多手成日摸佢
摸摸下依家係會痕 摸耐啲會痛
咩黎架
之後都有生過一粒再大粒啲既
係痛到行路都痛！
睇左中醫敷左藥同食咗藥就冇事了
好似話係用護墊用得太多
有無人可以話我知咩黎
有無人可以答下我
你好呀，肉粒可以有好多形成既原因，好難就咁幫你診斷呀，同埋我地只可以根據你既情況比到一啲可能既估計，唔可以替代醫生架。既然你之前睇中醫同埋食中藥已經醫好，所以相信大機會唔係性病方面既原因，而可能係類似瘡仔果種肉粒，有時焗住up住呀，熱氣呀，加埋油脂分泌比較旺盛，就可能有咁既情況，嚴重時會流膿。護墊可能係其中一個原因，因為始終佢都係up住下體，但係咪可以有咁大影響可以令你生粒粒就好睇個人體質，難以一概而論。建議你平時可以著啲寬鬆、透氣既褲或者裙，每日用清水清潔下體。黎m既話，如果你唔慣用衛生棉條，或者肉粒既位會阻住棉條入去，都可以繼續用護墊，不過要每日記得更換，避免細菌滋生。宜家可以keep住日常清潔，觀察下情況先：）如果再出現肉粒，或者痛、痕，可以複診時問多醫生幾句，或者睇第二個醫生，睇下究竟係瘡仔定係咩，亦都隨時歡迎你上黎問我地。希望你早日康復呀：）
2個讚
會唔會係去廁所用得太多出面廁所既紙巾唔乾淨所以咁樣？因為以前我係從來都無生過的而且我清潔得好乾淨同埋黎m我係用棉條的 就係唔鍾意焗 但我已經停用左護墊好耐啦…
開頭超細粒 無感覺就唔理佢 呢排就有痕既感覺
粒肉粒睇落係有白色野係入面。但完成支唔到出黎 流血都支唔到有濃
唔會係性病既原因所以應該唔會係椰菜花？上網睇過圖又唔多似 呢種性病係醫唔到？（ps 只跟男朋友做過親密行為 而且一定帶套 做前都會沖左涼先）
你好見你都幾擔心，好多疑問，我建議你去睇婦科醫生，之前你有冇睇過？有冇相熟嘅？如果你係26歲以下，可考慮家計會青少年服務。
你好見你都幾擔心，好多疑問，我建議你去睇婦科醫生，之前你有冇睇過？有冇相熟嘅？如果你係26歲以下，可考慮家計會青少年服務。
謝謝你回答
其實都唔係擔心啲咩 只係成日都係咁好影響生活 好痕又唔r得 r左又會損 損左就行路都痛
最近有一粒好翻了 仲有2粒未好
其實如果肉粒係會痕的話真係建議去睇一睇醫生嘅，因為你提及見到有膿都有機會係因為天氣潮濕或者身體抵抗力下降而出現嘅瘡仔（好似上面Dorothy講嘅情況），但呢啲暗瘡類嘅一般都唔會太痕，反而會感覺少少腫痛，好似面上生暗瘡咁。而且如果損咗有傷口都比較容易引起細菌感染導致發炎，如果可以俾醫生檢查下會比較好呀。知道覺得痕會好難忍，但係未完全確定係咩嚟之前都要忍下手，唔好R損或者唧佢呀！！
1個讚
已經好翻哂 乜都無搞過但係 野都無茶
咁就好啦！以後都可以注意下體衛生、經常用清水清潔同埋盡量唔焗住～其實呢啲問題好多女性都會出現，因此唔需要太驚。希望你身體健康啦！