咁樣會唔會有機會懷孕?

可能有啲over咗但我真係好擔心
我7月29晚同男朋友有親密行為
期間佢完全冇入過我陰道,但陰莖頭部有直接掂過我陰部幾下
嗰陣係我幫完佢口交咗一陣之後,但唔知係口水乾咗定點
掂我陰部嗰陣佢都幾乾下,我就比較濕
掂完幾下之後就遠離咗我下面,跟住都過咗起碼十幾分鐘佢先射喺遠處

跟住幾日我都驚驚地,一來同自己講咁都中到應該好難嘅
一來google又見到有人話只要性器官有直接接觸就有可能,亦都有案例咁
驚得滯我甚至問埋家計會,佢地話係有風險跟住亦開咗事後丸俾我
雖然食嗰陣已經係親密行為後第三日

唔知係咪仲有副作用定點,而家個肚仲會有時有少少搞下搞下咁
但副作用應該都冇維持幾日咁耐掛 ⋯⋯
自己經期一向唔準,一個月到三個月都試過,都冇特別記低
請問咁嘅情況會唔會有機會有咗㗎 ⋯⋯

我唔知係事後丸啲副作用咁勁三日仲有
定係我單純唔舒服
我亦都有少少作嘔作悶咁,以前嚟m前都唔會咁
上網話著床都會有呢啲反應
我真係好驚 … :persevere:

作嘔作悶經期亂都係事後丸嘅正常副作用,你可以上家計會網站睇下有咩副作用

我有睇過,但佢上面話副作用24小時內會消失
更神奇嘅係我食完嗰24小時冇乜反應
反而而家過咗三日先咁,又冇出過血
多謝你嘅回覆先,我都好希望只係副作用 :persevere:

你好呀:wave:,你既情況其實懷孕既機會係非常非常細微呀,宜家係完全冇必要擔心既。不過首先想讚下你事後可以諗起問家計會,都已經係好鎮定好醒目:)其實Google上同家計會講既所謂性器官有直接接觸就有可能精卵結合,理論上係啱既,但實際情況中唔同既接觸方式一定係有唔同既機率。類似你既情況,乾既陰莖冇進入陰道,而係係出面掂到,咁呢個可能性理論上確實有,實際上以咁既方式受精既機會就真係好細既。相信家計會開事後丸比你都係為左穩陣,因為佢地都希望可以做啲措施幫到你,令你安心,但係其實上並唔需要為左概率咁細既事而過分擔憂呀。

此外,家計會開既事後丸係120小時內有效既,所以你問左佢地係好正確既決定。係性行為後第3日食果隻藥係有效既,因此懷孕既機會就真係冇咩啦。正如你所講,其實事後丸既副作用係會視乎個人體質,有時會持續幾日咁,作嘔作悶、頭痛、胸部酸痛,甚至下體唔規律出血,都係多見既症狀。相信過一排就會好好多。因為你個情況本身受孕機會就唔高,又食左事後丸,所以幾乎無可能係著床,因此唔需要擔憂既:)而如果日後再進行性行為,不妨採取多啲保護措施呀,可以令自己安心啲:)

雖然今日只係七日之後但我都係用咗驗孕棒驗,結果係negative
好多謝你嘅回覆,而家嘅我都安心咗好多
上家計會嗰陣已經問埋下次嚟經上去開避孕藥
下次會注意㗎喇 :bowing_woman:t2: