用自慰棒問題

想知道如果用人地用過嘅自慰棒無洗乾淨(時間隔左幾小時),會唔會有機會感染到咩性病或者有咩危險?

你好呀:wave:,一般黎講係有可能架,不過都要視乎邊一種性病。原因係性病係通過細菌或者病毒傳播,如果之前既使用者有性病,病毒或者菌可能隨體液留係性玩具上。各種微生物係呢種情況下既存活既時間唔同,一般死得好快,但宜家都唔多資料有計過各類STD既病毒/菌係乾左既體液中可以生存幾耐,因此只可以講係有理論可能性。宜家資料比較多既有HIV病毒,有實驗顯示係幾個鐘之內,乾左的體液中99%的HIV已經無法存活,所以通過乾既體液感染HIV既風險好細微。如果用完性玩具後有清洗下,再隔幾日先用,其實已經安全好多。唔知你點解會有咁既顧慮呢?不過都希望你唔好驚慌,因為始終通過性玩具感染性病既例子唔常見,而機會比起直接性接觸係細好多好多既:)