懷孕機率有幾高?

早幾日男朋友用手指入過我下面(大約一截手指,因為太痛),但過程中我唔肯定佢有冇掂過自己陰莖(佢話自己冇)。
想知道如果真係唔小心掂到前列腺液/精腋再放手指入去嘅話,懷孕機率高唔高?嗰日應該係排卵前五日 謝謝:bowing_woman:t2:

唔好意思遲咗回覆,男性性興奮時會分泌尿道球腺液(即係成日講嘅 pre-cum),而當中係會含有精子嘅。不過精子接觸到空氣後好快會死亡,所以即使你男朋友嘅手指有唔小心接觸過分泌物再進入陰道,相對上精子數量都偏低而且亦好大機會已經死亡/活動力下降,所以導致懷孕嘅機率都會好微。想進一步減低風險,其實市面上嘅成人用品店都會有售賣手指套,或者用安全套套住手指,咁係進入嘅時候就更加安心啦,仲可以保障唔會被指甲刮傷添!

另外你都提到被手指進入嘅時候會覺得疼痛,所以未有進入太多,有時候太緊張都會令肌肉更加收縮,導致插入時覺得痛。除咗係前戲方面落多啲功夫令大家都放鬆啲之外,可以試下配合潤滑劑,有助減低進入時嘅磨擦感/不適架~ 陰道肌肉係充滿彈性嘅,不過係初期都會需要時間慢慢去適應,可以等陰道適應咗一截手指左右既深度再慢慢嘗試更深入呀~

我琴日(m前兩日)用驗孕棒驗過,三分鐘後見到一條線就諗住冇事,但今朝睇突然見到有一條好淺色好淺色嘅直線(如圖示

)。於是我再check多次,今次就得一條線。咁到底會唔會有事?:sob:

我原定應該係7/9嚟m,但到今日都仲係未到,今次白帶好多而且可以拉絲,但以前個幾次都唔會係咁,而且呢幾日小腹都有少少痛。period不嬲都好正常28-30日一個cycle,未試過好似今次咁遲。我呢幾日每日都用過棒check都係negative,但上網睇有人話遲嚟m兩星期後先驗到,到底點先啱?:sob:

之前Kitty都有提及到呢個情況嘅懷孕風險好微,見你買左驗孕棒做測試,應該真係好擔心啦:persevere:

睇番你用嘅驗孕棒,應該似係用Clearblue PLUS驗孕棒。Clearblue官網有提及結果以測試10分鐘內顯示嘅結果為準。呢10分鐘內,質控窗顯示一條藍線,同時結果窗顯示「-」減號的話,就係代表「未懷孕:grinning:

過左一段時間再睇驗孕結果的話,因為試紙暴露在空氣內,有機會接觸其他物質產生化學反應,影響測試結果,所以第二日睇到嘅情況已經係唔可信

加上月經黎遲左一星期內其實都屬於正常範圍,黎遲嘅亦都可能有唔同原因,例如精神過於緊張,生活壓力大,作息不規律等,都會有影響。未必一定係懷孕先會影響月經黎遲:blush:

白帶出現拉絲情況亦唔係懷孕徵兆,唔洗擔心~ 白帶會出現拉絲原因有好多,可能因為本身自己荷爾蒙失調,或者身體有點受感染,例如生病。最近有無生病,例如感冒、食過藥等?又或者有無覺得下體有點痕癢,或者有其他分泌物?

如果情況無令你覺得唔舒服,同埋無繼續持續好多日的話,亦可能係最近天氣影響,或者食過嘅食物影響白帶嘅狀態:relaxed: