會唔會有左?求解答!

大概21 22號黎完m,週期唔太準,30-35天。29號發生性行為,冇帶套,外射,會唔會有機會懷孕?
如果有左,係呢段時間會有咩感覺?
Thx!

Help!:pray:t2:

Help

你好呀:wave:其實如果無採取任何避孕措施而進行無套性行為既話,就一定係會有風險懷孕,但係風險高低會有唔同。坊間有所謂安全期既說法,我地並唔建議採用既,因為呢種方法好容易唔準,同埋唔適合所有人,尤其你係週期唔太準情況下~但如果係作參考既話,其實你22號黎完m,幾乎都已經過左第一個安全期(即係周期既前七日,以黎m果日開始計算)。所以宜家既情況並唔樂觀呀:(

尤其係,女性排卵一般都係週期中間果日,雖然可能前後有幾日浮動。譬如假設你週期為30日,咁第15日前後就大機會排卵。咁宜家假設你係黎左7日m,22號就為週期第7日,咁29日已經係週期第14日,所以有可能係危險期中間呀。而精子可在女性身體內存活一至兩日,因此更加延長危險期。

不過雖然係有高風險,但都唔使過度驚慌!懷孕始終只是一個機會問題,係未知道結果之前唔需要認為自己一定中左。而且你既情況係外射,係性行為過程中,對方有啲含精子既腺液(又叫作pre-cum)有機會令到精卵結合,呢種情況下懷孕機會係會細過直接內射既。不過總而言之,因為有風險懷孕,所以希望你儘快驗孕呀~驗孕棒係萬寧、屈臣氏都可以買到,按照操作即可以方便驗孕。成個過程唔好比自己太大心理壓力,當佢一個簡單測試就好。之後有咩事可以再問我地呀~