因為我女朋友都係啲好唔準嘅人,有時會三十尾,有時四十幾日,甚至有一兩次係五十幾同62日。至於今次,佢到今日60日都未黎m。
由上次黎m果日計起,我淨係同佢喺上星期有一次親密行為,包括口交,同用手指,我嘅陰莖亦冇進入過佢陰道,到最後射精嘅地方都唔係佢下身,射完就冇再惦過大家。不過佢上個月差唔多流左成3個星期嘅黑色分泌物,有幾日甚至有dd 血。
佢上個月壓力都算好大因為要搞活動,有兩三日冇咩點瞓過。跟住仲要病左一兩個禮拜。
我想問佢宜家60日都未黎m係唔係都係正常,因為佢完全冇黎m前嘅症狀

同埋點解會有黑色分泌物嘅
佢到宜家66日都未黎m ,定係其實前一個月果時啲黑色分泌物同dd血絲已經係m , 但係佢冇痛過再加上佢未試過黎m係唔痛
你女朋友本身經期唔規律亦有試過相隔62日先有月經,所以就咁睇今次隔咗66日都未有月經其實都唔算需要太擔心。雖然月經個名有「月」字,但事實上都唔係每位女性都會每個月有經血,好多人本身經期之間都會相隔比較耐嘅,特別係你都話佢最近比較大壓力休息唔足夠亦有試過病,呢啲因素都會進一步影響月經。
至於啲m前症狀,記得之前都有同你提過,其實呢啲「症狀」都唔係一個標準,有人有有人無,今個月有唔代表下個月都一定有,而且每個人都可以有唔同嘅症狀,唔一定係局限於常見嘅胸脹,肚痛等等,另外呢啲狀況係好多其他情況都可以出現,例如係休息唔夠或者作病時都有機會出現,所以即使係有同無都唔可以用來代表係咪就快月經。
反而個3星期嘅黑色分泌物比較唔尋常,上個月除咗休息唔太夠之外有冇咩特別嘢發生過或者食過咩補品等等?同埋啲分泌物係係佢病之後出現定同時出現?同埋啲分泌物嘅流量有幾多?係每日少少定會好似月經咁持續流出來?因為持續咗一段時間其實都唔排除係月經嚟嘅。但無論係經血定分泌物如果呈現黑色比較常見都係因為1)身體內分泌失衡,特別係生活作息顛倒,或者接觸/吸入過有害物體,2)藥物影響,3)婦科疾病例如陰道感染或者宮頸炎嘅徵兆。雖然而家啲分泌物已經停咗,但安全起見睇一睇醫生做詳細檢查會好啲呀。
多謝你嘅詳細咁講解呀
果啲黑色嘅分泌物係病之前有架,佢係每日都會滲啲啲滲啲啲出黎咁,係好似月經咁但個量又冇咁多。不過佢睇中醫飲果啲調理月經嘅藥,飲完都冇穩定到。咁嘅話其實撇除果啲黑色分泌物,佢係唔係都算係正常。呀係呀,佢最近黎左m啦同埋。